“حنا عادل ” يكتب سامحيني ع التقصير
سامحيني ع التقصير
سامحيني ع كل سؤال كان بلهفه
سامحيني ع مبادءي معاكي
الي مش قادر اغيرها
سامحيني ع عدم نساكي
سامحيني ع عشق
ماليش ذنب فيه
سامحيني ع حلم
ف خيالي انتي بنتيه
سامحيني ف التفكير
مش قادر ع غيرك اغير
وكانك دوله طاغيه
وانا ف حبك اسيير
سامحيني ع الحلم الي بيجيني
سامحيني ع صورتك
الي مش بتفارق عيني
انتي عندي كيان
انتي ملاك
مش انسان
انتي الورد
الي مش بيفتح لاي حد
سامحيني لو بشوف كل الناس انتي
سامحيني لو باسمك نديت ع اختي
سامحيني ع كل حروف اسمك
الي ماليت بيها البيت
سامحيني ع صورتك
الي مكبرها ع الحيط
سامحيني ع عدم النسيان
سامحيني مش قادر انفذ حكمك
سامحيني ع استانافه
سامحيني عدم نسيانك
حتي لو بقيتي كركوبه
هتفضلي انتي الوحيده المحبوبه
سامحيني لو ناديت الناس باسمك
سامحيني لو كنتي ف حياتي.
الحلم الوحيد
سامحيني لو مت
من غير مسبلك رساله
علشان باختصار انتي ف القلب
متشاااله.
#سامحيني
#شعر حنا النجار
عضو نادي الشعر والادب.
