نور العيون بقلم سوزان احمد على طلبة
نور العيون هما ….. حبايب قلبى غاليين عليا
تعبت كتير عشانهم ….ومالوا ده حتى تعبى عشانهم شوية
دول حصاد السنين …. حب وحنان وغرز اخلاق وتعاليم الدين
خلى بالكوا اوى من كلمة تعاليم الدين …ما انتم عارفين
الدين مش نصوص جامدة نحفظها ونسمعها زى البغبغانات
لا الدين معاملة واخلاق يا هوانم ويا بهاوات
الدين حب …الدين وئام…. الدين الحقيقى صفاء النية لان الاعمال بالنيات
حبوا ولادكم بجد وعلشان تحسوا بيهم حطوا نفسكم مكانهم ومتجرحومش ادام حد
عاملوهم زى ما بتحبوا تتعاملوا ولا علشان كبرتوا نسيتوا شعور الطفل ؟؟؟؟
ده برضه انسان من لحم ودم … له كرامة واحساس ومشاعر بجد
يمكن اعلى واكبر وانقى من مشاعركم وادق
الطفل حبيب الله مشاعره ملاك اتولد على الفطرة وانتم اللى بايدكم تثبتوه على الصح
وده اللى عملته وبعمله معاهم …وعلى اد تعبى وشقايا معاهم اللى يمسهم هاكلهم اكل
هاعيدها وهاكررها ارحموا مشاعر طفل …. واوعوا تستهونوا بالسن والشكل
ده اللى بتغرزوه فيهم وهما صغار …. بتحصدوهم لما يبقوا كبار
وتحتاجوا منهم يسندوكم ده الزمن غدار ….
فاحسن زرعتك وتوكل على الستار …. لانه ؟؟؟ كما تدين تدان
سفيرة الحق والعدل
