خسر الخليج وفاز الأسد ..من القاهرة هنا دمشق
كتبت /جيهان جبر عبد الصمد
من غير عصبية وشد وجذب وكلام جامد وحروف زى الحجر نتكلم بالراحة خالص .
محدش يقدر ينكر فضل الخليج علينا…دعمونا كتير جدا بس مش ببلاش مصر 104 مليون نسمة يعنى لو وقعت لاقدر الله هتبقى نهاية الشرق الاوسط ..
لكن المراهقة السياسية والقرارت المصيرية الخاطئة من الجانب السعودى أشعلت أهلكت شعوب لاحول لا ولا قوة .
مفيش دولة محترمة تدخل دولة ذات سيادة وتجبر رئيسها على التنحى ..
مفيش دولة محترمة تفتح حدودها للمهاوييس والخارجين عن القانون والقتلة ليسفدوا فى الأرض بحجة الديمقراطية والحرية .
بشار الاسد مخرجش من بلده أنتم اللى دقيتوا بابه واتحالفتوا مع شياطين الأنس والجن لأسقاطه .
القذافى مخرجش من بلده عملتم المستحيل وما بعد المستحيل لاغتياله وتغير نظام الحكم.
خسرت السعودية فى سوريا وانتصرالجيش السورى ..خسرت فى ليبيا وجاء خفتر ليضع نهاية غير متوقعة لحكم الاخوان …خسرت فى اليمن .بس ضاعت اليمن ..الكواليرا طحنت الالاف ..الناس مرمية فى الشوارع..
مالكم ومال اليمن…بلاش نظرية المؤامرة والشيعة والكلام السخيف ..القذافى مكانش شيعى وخربيتوا ليبيا .صدام مكانش شيعى محدش ينكر انه غلط فى احتلال الكويت بس الانتقام كان اصعب وأشرس وأدمرت العراق وليبيا واليمن وسوريا …أليس منكم رجل رشيد.
أخرجوا من اليمن كفاية والله حرام …أخرجوا من دمشق من بلاد الياسمين ..أخرجوا من العراق وبلا نعرات طائفية والحشد الشعبى والفيلم الهندى .
خليكم ببلادكم ..بارضكم …مش من حقكم تدخلوا دولة وتجبروا رئيسها على الرحيل ..فاكرين جمعة الغضب..جمعة الرحيل ..والملايين اللى صرفتوها كل يوم جمعة بعد الصلاة لما كرهتونا فى يوم الجمعة ..وفى الاخر خسرتوا …ضاعت من ايدكم كل حاجة …لو ضربتوا عسكرى حوثى ماشى بعجلة بيبقى نصر ليكم ..لانكم افلستم عسكريا وسياسيا.
