من حق المصري يعيش في أمان
بسمة حجازي
تعيشي ياضحكة بلدي ويعيش علمك مرفرف فوق رؤوس العدا ..
ومهما قال التاريخ عنك وذكرك ،، إنتي للحاضر علامة
وللمستقبل قيمة وقامة ،، إخواني واللا إرهابي ضعيف
البلد دي فيها ناس شقيانة بتدور على الرغيف
لكن ماتبيعش ضميرها ولا تستحل مال غيرها
ولا تستبيح نفس حرمها ربنا ..
يانحكم ببلطجيتنا يانستحل دم غيرنا
عيني عليه الولد ضحكوا عليه بإسم الدين
غلبان ياولداه ،،، شياطين الإنس دول قادرين
قبل الضعيف ومشي في سكتهم
غلبهم شيطانهم بديع بقى واللا مرسي واللا غيرهم
مايهمنيش !!!!
من حق المصري يعيش في أمان ،، مهما كان ده إنسان
تفجيرات واللا دم غرقانه فيه شوارعنا ؟؟؟
مكملين ولراية البلد دي هانفضل رافعين
تعيشي يا ضحكة بلدي ،،، وتعيش رايتك مرفوعه للسما
تعيشي يا بلدي ،، تعيشي يا مصر
