حكاية صورة فى بيت جمال عبد الناصر
كتبت/جيهان جبر عبد الصمد
الصورة دى لها ذكرى جميلة لأنى قابلت عن قرب سيادة النائب كمال أحمد نائب منطقة العطارين لأكثر من ربع قرن …كنت بشوف صوره وأنا فى أعدادى وثانوى وكنت أسمع عنه كتير لكن عمرى ماقابلته حتى لما أشتغلت بالصحافة وحضرت فاعاليات كتير لكن عمرى ماشفته …لسبب بسيط جدا .
ده راجل بيحب بلده بيخدم أهله وناسه من غير مايعلى صوته ويصرخ فى الفضائيات ..راجل بيخاف ربنا ويخدم الصغير والكبير من غير مقابل أو شو إعلامى .
ظهر هذه الأيام فى عمارة صلاح الدين الشهيرة التى أحترقت بفعل ماس كهربائى .
أتحرقت العمارة كلها .عمرها أكتر من 100 سنة . اتحرق معها شقا العمر وضحكة الأم ولمة العيلة ..أنا شخصيا كبرت فى العمارة دى ببيت عمتى الله يرحمها ،كبرت مع ولاد عمتى أحمد يوسف وممدوح ومحمد ولماعرفت أن البيت أتحرق أول شىء خطر على بالى عمتى الله يرحمها وقعدتها وهى بيتعمل كعك العيد وأنا قاعدة مع ولاد عمتى فى البلاكونة اللى بنشوف منها مدرسة سان شارل بورميه الألمانى ..ذكرياتى كلها فى البيت اللى اتحرق..الماس ده محرقش العمارة بس ده حرق عمر وضحكة وفرحة ودمعة …
نرجع لموضعنا سيادة النائب كمال أحمد …شكرا لأنك لا تظهر إلا بوقت العسرة والشدائد
