“عنيكى ” لــ حنا عادل
جهزت هدومي
وكويت البنطلون الغالي
ومن الفرحه
صحيت ف عز حلاوة
نومي
لهفتي وخداني
نفسي اشوفها
ولو لثواني
انشاالله من بعيد
او او حتي
اشوفلها صوره
يوم العيد
بس المهم اني اشوفها
واحكيلها عن هبلي
وعن ازاي
كنت بسهر
ارسم ف كراريسي
شكل حروفها
اصلي ع قدي ف الرسم
كنت برسم صورتها
شخابييط
كانت تدخل عليا امي
تقولي زاكر ياعبيط
بس صورتك كنت مخبيها
وحلفت ماهرسمك تاني
قطعت كراريسي وكسرت وراهم
قلمي الجاف
وقبل ماارميهم
لقيت نفسي بفكر
اشوفك تاني ازاي قبليهم.
الكل قالي بلااش
حلفت ع كتاب الله
ان قلبي غيرها مهواش
اصل العشق
ده مش بايدينا
زي محدش فينا
اختار ابوة وامه
والعشق ده سم
ماشي ف دمه
عديت الكل علشانها
وقالولي هي مش هتعمل كدا
لو انت كنت مكانها
مهمنيش كل كلامهم
اصل الغريق
بيتعلق ف قشايه
فما بالك
بميت ولقيكي
تفتكري ممكن ف يوم ينسي
(عنيكي)
