سي السيد!!!!!!!
كتبت/بسمه عطيه
الفكره بقت مش عجبانى
ولا حتى عجبنى الاسلوب
منا مش حاجه انت مالكها
او انا مصنوعه من الطوب
انا لحم ودم وانسانه
وكرهت اوامرك وظروفك
انا من افكارك عيانه
محبوسه فى قمم
من خوفك
مالك فيه ايه
ليه متسلط
ليه عايش دور
اكبر منك
متقمص ليه فى دور
سى السيد
مع ان الدور مش على
سنك
عيش بقا على غيرى
وارحمنى
انا رافضه قيودك
تكسرنى
انا رافضه اعيشلك
مسكينه
على كتفك عمرى
ما هتسند
انا جنبك مش هبقى
امينه
فبلاش تعمل دور
السيد!!!!!!!!!!!!!
