تهون أرواحنا وتعيش البلد لـ بسمة حجازي
مفيش حداد
مفيش حداد يا بلد ،، مع كل جندي عالحدود مات ،،،
أمل بيتولد بلد بتنتفض
شهيد عالحدود راح واقف صامد كان بيحمي أرضه
أصلهم علموه إن أرضه يعني عرضه
ونسيوا يفهموه إن الخونه والرعاع هاييجي يوم ويبيعوه
مات شهيد واقف راسه للسما
مكانش راكع للكرسي و أللا الفلوس
مات عريس ،،، مليون عريس فدا البلد
تهون أرواحنا وتعيش البلد
تنتفض تحارب تكافح ،، ترفع علم البلد
قالوا زمان كل جني إفتح في وشه قرآن
والنهارده كل إخواني إرفع في وشه علم البلد
مات الولد ﻷجل نعيش في أمان
أنا وإنت جوه البلد …
مفيش حداد مفيش يا بلد
لو كل بيت جواه شهيد ،،، مع كل تابوت هانرفع علم البلد
مش هنطاطي راسنا ولا نخضع للي خاننا
إللي خان مصرنا مش مننا
إخواني دموي كاره أرضنا
بيعادي دينه وبايع ضميره وشايل كفنه على جبينه
مكتوب عليه خاين شايل ذنب غيره
محفور على جبينه كلمة مكتوبة بدم وطنه
مكانش مننا
إرفعي راسك يا بلد دم الشهيد مش هايروح هدر
ولكل إللي باع وإللي خان و إللي غدر
مصر أقوى و أكبر من كل البشر
مذكورة في القرآن حاميها رب العباد
مصر تعيشي مرفوعة الراس يابلادي
فيكي أنا دايبة في ترابك ومن نيلك شربت
أنا و أولادي ،،،
