طريقة عمل البيتى فور من مطبخ الشيف أميمة خطاب

عندي طريقتين والاتنين احلي من بعض بجد عن تجربه
اول طريقه ببيضه كمله
البيتفور
الناعم اووي

وتشجيع بقا اول طريقه اهي
احلي بيتفور
المقادير
600دقيق
500زبده انا استخدم فرن حلوه
200سكر بودر
3بيضات
فانليا
معلقه نشا بتفرق في النوعومه
الطريقه
هنضرب الزبده مع السكر كويس جدا بالمضرب الكهربي لغايه ما لونها يفتحها الزبده بتكون بدرجه حراره غرفه المطبخ لان اصلا الدنيا ساقعه سكر البودره يا ريت يكون من عند العطار مش مضروب في البيت بعد ما نضرب السكر بالزبده هننزل بالاثنين بيضه بس بيضه بيضه البيضه الاولانيه تختفي ننزل بالبيضه الثانيه وفانيليا نحط الدقيق منخول بمعلقه النشا ونلم العجينه العجينه بتقبل قوامها قريب من الكريم شانتيه هنجيب كيس الحلواني التبه هكتب لكم الرقم بتاعه وفي صينيه او صاج يا دوبك بتاخد 10 دقائق يا دوبك تاخذ لون من تحت وبتبقى اول ما بتطلع من فوق البوتاجاز بتنشف معاكي سيكا وتخرفش وفي نفس الوقت ناعمه وبتدوب في البق طبعا التزيين براحتك بس بلاش مربى عشان بيطري البيتي فور لكن لو حتى يتاكل ساعتها ما فيش مشكله خالص احسن حشو الشيكولاته الشيكولاته بدون اضافات لحسه بسيطه او نوتيلا وبالف هنا اي استفسار انا تحت امركم
الملحوظات
البيتي فور كل مكان ناعم وفي نفس الوقت مخرفش كل مكان ممتاز معاكي طريقه السوى مهمه جدا
الزبده ما تكونش ساقعه عشان ما عشان متخرز معكي
نضربها كويس بالسكر البودره اهم حاجه لغايه ما لونها يفتح وبيضه بيضه
طريقه تخزين البيتي فور الافضل ان هو يكون من غير تزيين والتزيين ساعه الاكل حابه تحتفظي بيه متزين خالص يبقى شوكولاته لاما نوتيلا
الطريقه الثانيه
ودي مكلفه شويه اكتر بس اكتر المحالات الغاليه شغلين بيها
انا حكتب الاتنين وانتي اختاري الاتنين بجد احلي من بعض
المقادير
800زبده طريه
320 سكر بودره منخول
6صفار بيض وبيضه كامله
800دقيق ابيض فاخر
320 نشا
فانليا
الطريقه
هنضرب الزبده مع السكر البودره كويس جدا لغايه ما يفتح لونها هننزل بالسته صفار بيت صفاره صفاره والبيضه اللي في الاخر هنخلط الدقيق بالنشا ونقلبهم مع بعض الاول كويس بعد كده ننزل بالخليط اللي احنا عملناه على الدقيق والنشا وطبعا ما ننساش الفانيليا مع البيض
البيتي فور ده ناعم جدا النشا هنا بتخلي البيتي فورايه ناعمه اكثر من الدقيق الكامل لان ما فيهوش ماده الكولاجين بردك بتتشكل بالقمع عايزاه تشكليه بمكنه البيتي فور بتحطيه في الثلاجه نص ساعه وبتشتغلي بمكنه البيتي فور الوصفه دي بتاعه المحلات الراقيه عشان البيتي فورا تمسكيها بتلاقيها بتدوب كده في البق طبعا مش هقول لك الزبده بتفرق بس عادي ممكن تستخدمي زبده فرن كريستال جنه ما فيش مشكله خالص في الظروف اللي احنا فيها اي استفسار انا تحت امرك ولو عايزين فيديو قولوا لي وانا اعمل لكم انهي طريقه