من حضنك بابا سرقونى
كتبت عزة الجراح
وفى توكتوك اسود ورمونى
وطريق مالهوش عوده وخدونى
وبكيت بحرقه انا واخويا يمكن يابا يرجعونى
فكرت في قلوبهم رحمه ولماما يابابا هيودونى
اتارى قلوبهم صخره
مفيهاش لاشفقه ولا رحمه
ضربونا يابا وعذبونا
وفى بحر أسود ورمونا
كان نفسى فى حضنك
وحضن ماما وحضن أخويا
بس وحوش ما رحموش
وفى الوسط الميه ورمونى
نتقابل يابا انت وماما فى الجنه
بس حقي وحق اخويا هاتوهولي
اللهم اقتل من قتلهم وجمد الدم في عروقهم
اللهم ألهم والديهم الصبر والسلوان يا رب العالمين الدعاء الجماعى ربنا يرحمهم… ويصبرأهاليهم
جريمة كسرت فرحة المصريين
