عيون الحب
بقلم : جيهان جبر
سمعنا كتير عن كلام العيون وهمس العيون دى حقيقة ..للعيون لغة حروفها بيحس بيها كل عاشق .فى عيون بتشوفك كويس أوى وبتفهمك كويس أوى ..وفى عيون لو عشت معاها عمره بطوله عمرها ما هتشوفك صح ولا هتفهمك صح ولاهتحس بوجودك أصلاٌ ..فى عيون حبتك أوى وعيون تانية خذلتك وخانتك . فى عيون قلبت كيانك بنظرة واحدة ..فى عيون هتحميك من نفسك . كلنا نتمتلك نفس العين لكن لانمتلك نفس النظرة .يعنى مش كل الناس شيفاك صح خاصة لما بتحس بالحب لان ساعتها أنت بخاف أوى .بتخاف لعيونك تفضحك بتخاف على حبك وحبيبك ومن خوفك عليه بتخبى وتدارى وتهرب وتبعد من غير ماتقوله ” بحبك ” وده غلط ..لازم نشبع من اللى بنحبهم لازم عيونا تشبع منهم ..لازم نبقى معاهم ناخدهم بحضننا ننور حياتهم .نجبر بخاطرهم حتى واحنا مكسورين الخاطر ..لو زعلت من حبيبك ..عديها خليها تعدى وأنساها حاول تنسها بحب مش بوجع ..
الحب عمره ما كان صورة مكان صورة لا رقم بديل رقم ..أنت لو حبتنى بجد هتحبنى كللى على بعضى وهتفهمنى مهما غلط وبعدت وأتعصبت .. انا مش بحبك عشان اعذبك واوجعك وأبكيك ..لما حبيتك مفكرتش أنى أجرحك..ربنا خلق لنا الحب عششان نعرف نعيش ونفرح بحياتنا ونتعلق بيها أكتر موش عشان نعذب بعض ونوجع بعض ..ربنا خلق الحب عشان تعرف تكمل حياتك عشان يديك القوة وعشان لما لما نموت نبقى فرحانيين أننا حبينا وفرحنا اللى حبيناهم لما حبيناهم قلنا أحنا بنحبكم أوى وقربنا فى الوقت اللى كان لازم نقرب فيها ومسكنا فيهم أوى أوى.
