عزة الجراح تكتب “رجل دولة بجد”
كتبت عزة الجراح
مصر كلها كانت ضد اتفاقية تيران و صنافير .. و قالك ده باع الارض .. لكنها كانت اتفاقية ترسيم حدود و سعوديتان ع الورق و مصريتان السيطرة و القيادة .. مصر كلها كانت بتقول صفقة القرن وهيبيع سيناء .. و طلع فى الاخر لا سيناء هتتباع و لا حتى كفر الشيخ .. مصر كلها كانت بتقول اثيوبيا بيتبنى سد و هنعطش .. و هو قال مضيعتكمش قبل كده عشان اضيعكم .. و طلع هو صح فى الاخر .. مصر كلها قالت هيعمل مصالحه مع الاخوان .. و دلوقتى ماسكهم ماسح بيهم تراب مصر و لم منهم مليارات فى يوم واحد .. ده غير احكام الاعدام اللى نازله عليهم زى المطر .. مصر كلها وقفت ضده فى الاصلاحات الاقتصاديه و رفع الدعم .. بس اتضح فى الاخر ان مفيش ادامه غير كده .. و شوفنا دول تانيه بتاخد نفس الاجراءات .. مصر كلها قالت ايه لازمة المشاريع دى كلها .. كان يأجلها شويه .. و اتضح فى الاخر انها مشاريع عملاقه هتوقف مصر على رجلها سنين طويله .. مصر كلها كانت شايفه انه فاشل و خربها و ملوش فى السياسه .. مع ان كل الملوك و رؤساء العالم و خبراء الاقتصاد و السياسه .. مستغربين ازاى الراجل ده كده و عدى بمصر ازاى و بيبنى و يعمر و بيحارب فى نفس الوقت .. عرفتوا دلوقتى اننا ع الحق المبين .. عرفتوا دلوقتى ان مصر بتحارب حرب وجود .. عرفتوا دلوقتى ان الدول مش بيتتبنى بالكلام و بالشعارات .. عرفتوا دلوقتى ان اللى بيحكم مصر الان رجل دولة بجد .. اهل الشر كلهم كانوا فاكرين مصر هتقع .. لكن اللى حصل شئ له العجب .. يتعجب منه اصحاب الحيل
