اللقاء الاخير بقلم جيهان جبر
كتير منا عملت لقاءات لا حصر لها مع وزراء ..سفراء..علماء. او حتى بياع طماطم..لكن احيانا بتعمل لقاء مع احدهم ويبقى بالنسبة ليك لقاء عادى جدا زى غيره ..لكن لما تمر بيك الايام ويتوفى من حاورته وتقاسمت معه حنين الذكريات.. ساعتها بتندم ان اللقاء لم يستمر ساعات وايام ..تحس بالندم حتى لو مقصرتش بشىء…أتحدث.عن معالى السفير د. عمر الحديدى سفير مصر فى فنلندا ..استمر لقائى معاه نص ساعتين ..كلمنى عن كل حاجة عن طفولته ونشاته فى محرم بك شارع عرفان بجوار سبيل أنجى هانم اللى هى كانت جده سيف وانلى وأدهم وانلى ..كلمنى عن ذكرياته فى ايام الجامعة وسندوتشات الفول والفلافل من الكانتين ..كلمنى عن القهوة العالية وحلوانى ديليس .. بس الاهم انه فتح عيونى على شىء رائع وثرى بالنسبة ليه ومكنتش اعرفه ..طوال عمله بسفارة فنلدا ..اكتشف انها البلد الوحيد فى العالم الخالية من الرشوة والفساد ..مفيش حاجة اسمها واسطة ..رئيس الجمهورية له حق التواجد فى القصر الرئاسى وقت الزيارات الرسمية فقط.وكانه موظف عادى جدا يروح الساعة 7 صباحا ويرجع الساعة 5 مساء ..والاهم كيف استطاعت فنلندا الحصول على لقب ارض النوكيا ..وكيف تحول السلام الجمهورى الى اشهر نغمة موبايل ..للان لاذلت أتذكر معالى السفير عمر الحديدى…الله يرحمه
