حماس لمن يدفع أكثر بقلم /جيهان جبر عبد الصمد
إحنا يامصريين مهما طال بينا الزمن عمرنا ماهنقدر ننسى اللى عملته حماس فينا من 2011 حتى الآن من أقتحام السجون وتهريب عناصرها وعناصر حزب الله مرورا بقنل جنودنا وخطف ضباطنا …سبع سنوات عجاف ستظل محفورة جوانا وغصة فى القلب من اللى خان وعض الإيد اللى حاربت عشانه ..
أمبارح كنت بتفرج على قناة فلسطينية عاملين أفراح ومسيرات بيباركوا ويهنوا أردوغان على جزيرة جده فخر الدين باشا اللى أخدها من الإخوانى عمر ابشير …كل ده مش مهم ولاهمنى عشان عارفة إن حماس تحت الطلب يعنى أدفع هتاجد مايسرك ..اللى زعلنى جدا أنه بنفس الكادر ونفس المشهد وعلى بعد أمتار من لافتات أردوغان وخامئنى وتميم لقيت لافتات بطول وعرض الشوارع عليها صور السيسى وهو بيحضن العلم الاسراييلى وطبعا شتيمة على مصر والمصريين ودى حاجة اتعودنا عليها من زمان ..بس عايزة قولكم حاجة أنتم مسمار جحا فى قلب العالم العربى ..أنتم الجناح النجس للأخوان المسلمين ..
أنتم بتبيعوا نفسكم مع كل طلعة شمس لليدفع أكتر لغاية ماوصلتم للحضيض …
قاعدة إنجريليك الأمريكية عند أردوغان فى تركيا مش مصر
قاعدة العديد عند تميم فى قطر مش مصر
اللى طفا حرايق تل آبيب السنة اللى فاتت تركيا مش مصر
اللى حصل على جائزة الدولة الإسرائيلية عام 2004 تركيا مش مصر
مصنع لوك هيد لصناعة الصواريخ الإسرائيلية اللى بناه تركيا مش مصر
الرئيس المسلم الوحيد اللى اخد مراته لوضع إكليل من الزهور على ضحايا المحرقة تركيا مش مصر ..
الهالك بيريز اللى كان بيزور قناة الجزيرة واتفسح فى قطر مش مصر .
تركيا عضو بحلف الناتو اللى دمر أكبر الجيوش العربية مش مصر
فعلا والله اللى أختشوا ماتوا ..لماتلاقيهم رافعين صور تميم وأردوغان ومولانا الفقيه لازم تعرف إن حماس للبيع ..هما كده رزقهم واكل عيشهم انهم بيبيعوا نفسهم ..للى يدفع أكتر.. جاهزين لكل شىء… حفر أنفاق ماشى ..خطف عساكر وظباط ماشى ..تفجيرات ماشى ..
مرة تانية مهما طال بيا العمر عمرى ماهقدر أنسى دموع ولاد بلدى اللى قتلتهم حماس لعيون قطر وأردوغان.
