جمهورية موريشيوس لــ جيهان جبر

أول مرة فى حياتى أسمع أن فى دولة أسمها موريشيوس يمكن جهل منى ويمكن تقصير مننا فى الأهتمام بالقرن الأفريقى ..
بس لما قريت عنها أندهشت ولك أن تتخيل كيف تكون فى أفريقيا متوسط دخل الفرد 20 الف دولار ولا تتفاخر بهذا
فى جمهورية موريشيوس التعليم مجانى حتى الجامعة والدولة ملتزمة بنقل الطلاب من البيت الى المدرسة على حسابها حتى الجامعة ..كل حاجة بالمجان حتى العلاج والجراحات الباهظة التكاليف بالمجان..90%من السكان عايشين فى بيوت ملكهم وليست بالايجار..رئيسة الدولة اسمها الدكتور أمينة غريب فقيم دكتوراة فى الكيمياء العضوية وأيقنت أن الاهتمام بالجيش والسياسة لن تصنع دولة …بالتعليم الجيد نصنع الامجاد
الخلاصة :
عشان تدمر أى دولة أنت مش محتاح مدافع ولا جيوش ولا حتى سلاح نووى ..بس كفاية أنك تدمر المنظومة التعليمية ساعتها بس هنهار الأمم
ببساطة لما الفاشل والجاهل ينجح هتضيع البنية التحتية لأقوى الدول
لما دكتور ينجح بالغش هيموت ألف مريض
لما مهندس ينجح بالغش هينهار الف مسكن ومبنى
لما محاسب ينجح بالغش هتنخرب بيوت ومؤسسات
لما قاضى ينجح بالغش هيهرب الف مجرم من العقاب
ببساطة لما ينهار التعليم هتسقط دول وأمبراطوريات كانت قادرة على أن تسد عين الشمس