بالفيديو والصور خبر هدم ابوالهول الصينى خبر كاذب

مش بس كدة، دي الحكومة الصينية قامت بإفتتاح محطة قطارات عملاقة بجانب التمثال مخصصة للقطارات الرصاصة “من أسرع قطارات العالم” عشان تربط المدينة الصغيرة اللي فيها التمثال بكل المدن الصينية الكبري زي بكين و شانجهاي و جوانزو و تشينزين وغيرهم، و ده سهل كتير لملايين السياح اللي قاموا بزيارة تمثال أبو الهول الصيني خلال الأشهر الماضية

المضحك في الموضوع إن الحكومة الصينية و مسئولين السياحة هناك بدأوا بناء أهرامات صينية جنب أبو الهول الصيني بالحجم الطبيعي لأهرامات الجيزة في مصر
و بدأت الصحافة الصينية تنشر الأخبار دي في جميع وسائل الإعلام و إن الأهرامات الصينية حيتم إفتتاحها شهر أكتوبر القادم “خبر من الأخبار المنشورة الإسبوع ده – في الصحف الصينية باللغة الإنجليزية- موجود في أول كومنت”

و ده الخبر اللي نزل الإسبوع اللي فات في ال”شاينا ديلي” ،أشهر جريدة صينية باللغة الإنجليزية و بتتكلم عن أبو الهول الصيني و محطة القطار الرصاصة اللي فتحت في المدينة … و أهم شئ هو إفتتاح الأهرامات الصينية أكتوبر المقبل

ده عشان يشجعوا جميع السياح و منتجين الأفلام الكبار و مشاهير الفن و الرياضة من جميع أنحاء العالم إنهم ييجوا يزوروا منطقة الأهرامات و أبو الهول الصينية (بالحجم الطبيعي للمنطقة المصرية) ويقدروا يستمتعوا لأقصي درجة في مكان نظيف وآمن و منظم و علي الأقل “فيه تواليتات آدمية” ، بعيداً عن البلطجة و السرقات و المعاملة الرديئة

السؤال هو: ليه مسئولين السياحة عندنا في مصر ميستفيدوش بالدعاية العالمية اللي الصين عاملاها لآثارنا المصرية ببلاش و يحولوا الموضوع ده لصالح مصر و السياحة المصرية و كل اللي عليهم يقولوه للسياح “إنتم مبهورين من أبو الهول و الأهرامات التقليد ، تعالوا مصر و شوفوا الأصل”…
بدل ما نقعد نعيط و نشجب و نول ول و نعيش في اللالا لاند و نطلع و ننشر أخبار عجيبة و نحاول نوهمو نسرح بيها علي المصريين إن الصين هدت أبو الهول ….. في الوقت اللي هما أصلاً بيبنوا الأهرامات كمان

https://www.youtube.com/watch?v=PLoC9aPl6fw&feature=youtu.be