اللحمة كانت من نصيب الكلاب والفقير مالوش لحمة

أسماء محمود
الناس الل قاعدة تقول مش لا قيين ناكل والاسعار نار كأنها اغنية تعالوا نبص على كمية العجول اللى اتدبحت فى بورسعيد وشراء العجل بأقل ما فيها 16 الف جنية ل 50 الف جنيةو كام واحد فيكم يعرف ناس فرحت بالدبح وسابت اللحمة لما فسدت وطلعوا ناموا وأخر اليوم وزعوها وريحتها طالعة و حتى الان وصل لجيراني اكثر من 10 كيلو لحم فاسد عشان الكلاب في اليوم الواحد
اى ما يوازى 800 جنيه يومياً
ده من اللى انا عرفهم بس وواحدة ست وزعت 400 كيلو على الناس واكتشفوا انها فسدت فى الوقت اللى فيه ناس قفلت بابها على نفسها ومستنية اى حاجة تفرحها واعرف ناس بتتصل باى حد تسأله اذا كان يعرف حد غلبان عشان يديله والسؤال هنا ؟؟!!
لماذا لا يتم اعداد كشف باسماء من يستحق قبلها وتجهيز من يوزعون لأن ده بصراحة افترا وانا متأكدة ان الموقف ده حصل مع ناس كتير .
العظة فى الاضحية صدقوني دي معظمها مش لله ومش مجرد فرحة عيد دي فشخرة وعيال تتنطط وتلعب بالذبيح ف الشوارع وتجرى طول اليل ورا البقر ولا انا غلطانة ؟!
ياريت نرتقي شوية ونتعلم يعني ايه إحساس بناس عايشة ومقفول عليها بابها ومحدش يعرف عنهم حاجة من عزة نفسهم وديننا وعيدنا مأمرناش بكده .
معظم الناس اللي بتدبح انتوا فاهمين غلط ، الأضحية هدفها الفقير مش اللعب والفشخرة الكدابة .