الاحتياج بقلم ” بيشوي تامر “
من اصعب الحاجات اللي ممكن تنخدع بيها من قلبك وانت بتحب، انه يقنعك انك فعلا بتحب !
الاحتياج ماهو الا شعور نفسك انك تسدده، حالة نفسك تعيشها، مش شرط مع مين طالما اللي ” هتقضي الوقت ده معاها ” هتسددلك الاحتياج ده !
مينفعش ابدا اني اسمي ” الاحتياج ” ده حب !
الحب مش تعويض نقص، مش سد فراغ، الحب هو انك تقدم كل حاجة عندك من غير طلبات !
انك وانت بتقدم بتحس انك بتشبع مش بتجوع !
انك بتلاقي نفسك كامل لما تهتم بحبيبتك اكتر من نفسك !
الحب هو حالة غريبة جدا في الدنيا، تخضع لعكس قوانين الطبيعة ! الفعل بدون رد فعل !
رد الفعل اللي بيطلع من قلبك لنفسك لما تهتم باللي ساكن فيه !
تحقيق قانون جاذبية الروح للروح وانعدام جاذبية الأجساد.
الصعود لسماء العشق، التي تخصص لكم من الله مثلما خصص سماء للطيور والكواكب.
حالة ملهاش اي تفسير مش بتحتاج فيها غير لحاجة واحدة بس، انك تنسي لغتك البشرية ولسانك، لأن قلبك وروحك يتحدثان بترددات وموجات عشقية، لا تترجم بحروف ارض البشر.
