قصيده (امي)شعر /حنا عادل النجار
لما جيت اكتب عن امي
وقف القلم عن الكتابه
وقالي معقوله هتوصفها بشويه حبر
او تشبهها حتي بسحاابه
دي الي دايما شايله همي
دي الي دايما اسمها بيجري ف دمي
ده حتي ملامحي كلها منها
مفيش اي اختلاف
غير فرق السن بيني وبينها
امي دي ايه من اياات الله
دي الحب الواصل عندي منتهاه
دي الي شالتني 9 شهور
تعب وعذاب
لحد مجيت وظهرت للنور
خوفها عليا وانا وصغير
كنت بسميه سجين وانا المسجون
واما كبرت عرفت انها
كانت بتحميني من العالم الملعون
مجرد شويه برد او سخانه
كانت بتجري بيا من بلد لبلد
وبسببي كانت بتستحمل
المرمطه والاهانه
دي ضحكتها بتفتحلك
شبابيك من الاحلام
دي حقيقه مش مجرد كلام
حضنها بيواسيبني ع الهموم
ضحكتها بتطمني حتي لو كنت مغموم
دي الي اول متشوفني زعلان بتتقطع
بس بصوت مكتوم
علشان متحسسناش بالزعل وباللوم
دي الي بتقول الواد اتاخر
طيب راح فين وجه من فين
دي الي بتقول دلوني ع طريقه
وانا اروح اجيبه حتي لو كان ف الصين
دي الي اول مابتخاف علي ولدها
وتقلق عليه ؟؟
بتتحول راجل ولا حتي الف راجل
وتنزل ف عز البرد تدور عليه
المهم يبات ف حضنها وتطمن عليه
متسالنيش وتقولي طيب ليه
اصل حنان الام مفيش شيء بيساويه
دي الي مكتوب عنها
اكرم اباك وامك لكي تطول ايامك ع الارض
يعني دي الي تبوس التراب الي بتمشي عليه
مش تقعد ف بيتك وتقول مش قادر
اروحلها ده الجو برد
ربنا يخلي لينا الملاك الي ربنا
باعته لينا ع الارض
والي من غيره ف العالم
والله مالينا حد.
امي
