ندا الى رئيس الجمهورية من اهالى غرب البلد باسيوط القمامة ومياة الصرف الصحي تغرق منازلنا وشوارعنا عاوزين حل

اسيوط : محمدرجائى
استغاثة من اهالي غرب البلد باسيوط للرئيس الجمهورية والمحافظ والمسئولين من كثرة القمامة ومياة الصرف الصحي تملا شوارعنا نحن منطقة غرب البلد جنينة الدراويش الشارع العمومي مياة الصرف اغرقت محلاتنا ومنازلنا وهذا هو حالنا من وقت لاخر الاهالي ولا عارفين ندخل ولانطلع ولا شغلة لينا غير النزح والشوارع كلها مليانة زبالة فين حق المواطن ناخدة ازاي ومطلوب مننا سداد رسوم كل شهر لية ولا يوجد خدمة عاوزين حل
قال محمود قاسم بقال
احنا مش عارفين نعيش الحياة صعبة والحكومة كل الي عليها تاخد مننا فلو بس المية غرقت المحلات بتاعتنا عاوزين حل .
يقول مصطفي الهل مهندس معماري
الشارع دة عمومي الناس رايح وجاي منة مفيش غيرة ومية الصرف الصحي علي طول ضاربة ومغرق الشارع واحنا ولا عارفين نقعد من الريحة واطفالنا مرضت بسبب الناموس وبعدين هيا الحكومة عاوزة تموتنا وتوت اطفالنا كدة حرام
يقول محمد علي صاحب محل مشويات
هيا الحكومة مش بتاخد مننا فلوس للنور وللمية وللنظافة وغيرة عشان نلاقي خدامات هيا فين الخدمات دي احنا تعبنا من مياة الصرف والزبالة الي مالية الشوارع دة حرام ومش عارفين نشتغل هو دة مساعدات الشباب من الحكومة نرجو الاعتناء بالمواطن
اضاف محمد رجائى
بعد الاتصال كثير بالمهندس المختص احمد سلامة لارسال سيارة كسح ولكن لم يرد كالعادة وهذا حال المسئولين في اسيوط
واضاف المهندس مدحت القاضى رئيس حي غرب بلغا لغرفة العمليات ومهندسين الحي يقول ذاهبون الي المكان وسارسل سيارات الكسح لعمل الازم