مصر قادرة علي مواجهة الازمة

كتبت عزة الجراح

اتخذت الحكومة المصرية بعض القرارات الهامة ومنها
اغلاق المدارس و الجامعات و المطارات والچيم وسناتر الدروس واغلاق المؤالات والمقهي وأي مكان فيه تجمع ممكن يسبب إنتشار العدوي وبتعقم الشوارع والهيئات والوزارات ومحطات النقل العام والمترو بأنواعهم وقللت سعر الفايدة و أجبرت البنوك بالأمر تدي الناس مهلة ٦ شهور بدون فوايد ميدفعوش اقساط للي واخدين قروض او عليهم ديون في الكريديت كارد وأتاحت للناس تمشي برخص منتهية عادي وعطلت وحدات المرور و أدت الستات العاملات أجازة مدفوعة لرعاية البيت والأطفال و بتفكر تدي نص موظفين الدولة أجازة هما كمان و صرفت ٥٠٠ جنيه للعمال و زودت ٢٠٪؜ من سعة الإنترنت مجاني والشركات الخاصة معظمها إدت لموظفيها خاصية work from home
مصر حصرت كل إصابات الكورونا في سرعة ادهشت منظمة الصحة العالمية نفسها و بتحاصر أي اصابة جديدة في سرعة استجابة مطمئنة.
دلوقتي مسؤوليتنا احنا نقعد في بيوتنا ولو مضطرين نخرج ناخد كل إجراءتنا الإحترازية.

انا راضية عن اداء حكومتي في الازمة الحالية بكل امانة