كتبت عزة الجراح
العالم بيحتفل بالكريسماس و احنا ناسين إنه عيد مصري أصيل ، و العالم كله أخده من مصر وإن المصريين إحتفلوا به من قبل ظهور المسيحية و قبل ميلاد السيد المسيح بآلاف السنين. و كان أسمه (عيد قيامة أوزير)
️ طب ايه هي حكاية (قيامة أوزير)….؟!!
المصري القديم أهتم بعلم الفلك عشان يعرف يحسب الزمن، و بالتالى يقدر يحدد مواعيد الفيضان و الزراعة و الحصاد بدقة. فبدأ يرصد حركة النجوم و عرف السنة الشمسية، و أخترع التقويم المصري – أول تقويم على الأرض ، المصري قدر يعرف إن ليلة 21 ديسمبر هيا أطول ليلة فى السنة. لأن فيها بيكون النصف الشمالى من الكرة الأرضية عند أبعد نقطة من الشمس .
أما (إيزيس) فكانت رمز لنجم الشعرى اليمانية (Sirius) اللى بيظهر فى السما و بيراقب صعود الشمس من تانى و كأن (إيزيس) بتساعد (أوزوريس) على العودة للحياة من جديد و هو ده أصل أسطورة (إيزيس و أوزوريس) …!!!
المصريين كانوا بيحتفلوا بالكريسماس و كانوا بيزرعوا شجرة بتقدم الهدايا كرمز للحب و السلام، {و هو ده أصل شجرة الكريسماس و كان الأطفال و الكبار يكتبوا أمنياتهم و يحطوها تحت أقدام (أوزير الشجرة)… و بعدها يخرج كبير كهنة المعبد و يحاول يحقق أحلامهم على أد استطاعته، و ده أصل شخصية سانتا كلوز أو (بابا نويل)….
مع إنتشار المسيحية فى مصر فى العصر الرومانى، كان (عيد أوزير) بيتزامن مع ميلاد المسيح، فالمصريين إحتفلوا بعيد الميلاد بنفس الطقوس و العادات. و بدأ الرومان يعتنقوا المسيحية و ينقلوها من مصر لأوروبا بكل تفاصيلها و أعيادها. فبدأت أوروبا تحتفل بالكريسماس بنفس الطريقة المصرية القديمة و لما الأوروبيين هاجروا أمريكا ، نقلوا معاهم الكريسماس و بقى العالم كله بيحتفل بالعيد المصري اللى كان مرتبط فى الأصل بدورة الفلك و علاقتها بالزراعة فى وادى النيل ️
كل عيد أوزير و أبناء كمت بخير
افتخروا بحضارتك