يعني هلعب بيهم الصبح بس وباقي اليوم هقعد كدا من غير لعب
الأم : معلش بقي هو ده إللي في إيدينا دلوقتي
إلهام : لأ أنا عايزه ألعب مع صحابي
الأم : إنتي محرمتيش عايزه تنزلي الشارع تاني مش كفاية إللي عمله فيكي أبوكي
إلهام : لأ يا أمه أنا مش هنزل هما إللي هيجوا يلعبوا معايا هنا
الأم : إزاي ده كان أبوكي يكسرك بجد المره دي
إلهام : عشان خاطري يا أمه هما هيجوا لما أبويا ينزل وإنتي متبقيش تقوليله علي حاجه
الأم : ولو جه فجأه ولاقاهم عندك إيه العمل ساعتها
إلهام : لأ متخافيش هيلعبوا معايا حبه صغيرة وهيمشوا قبل ما يجي
الأم : أمري لله لما نشوف أخرتها إيه معاكي
إلهام : هييه هييه هييه
وهي تجري ناحية النافذه منادية أصدقائها ( ملك وشادي وآيه ) ويصعد الأطفال الثلاثة مسرعين ويكادوا يكسرون باب المنزل من سرعة الطرقات عليه
الأم : أيوه أيوه بالراحه هفتحلكم أهو
وتسرع إلهام نحو الباب مستقبله أصدقائها ويشيرون لها الصغار بعلامات النصر
إلهام : تعالوا يله نلحق نلعب شويه قبل أبويا وأخواتي ما يجوا
شوفوا كدا أمي جابتلي إيه
ملك : الله حلوه أوي الألعاب دي
إلهام : دي بقي هنلعب بيها الصبح وهنشيلها قبل إخواتي ما يجوا عشان ما ياخدوهاش مني ويكسروها
شادي : إنتي هتلاقيها من أبوكي ولا إخواتك
إلهام : معلش بقي يله نلعب
ويقف شادي وسط الغرفه ويشير للبنات بأن يختبأوا لكي يلعبوا لعبتهم المفضلة ( الإستغمايه)
وأخبأه شادي وجهه بالحائط مناديا للبنات
شادي : خلاويص
البنات وهم يختبأون : لسه
شادي : خلاويص
البنات : لسه
شادي : خلاااااااااااااوووووييييص
وفجأه يشعر شادي بيد تربت علي كتفه وأدار وجهه ببطئ والرعب يتملكه ليري من آتي وأمسك به
وإلى اللقاء في الحلقه القادمه