على مقهى الآنتظار

كتبت/ جيهان جبر
هى صدفة مش أكتر لكن حقيقى خير من ألف ميعاد ..لو كنت رتبت لها من شهر ماكانت هتظبط بهذا الشكل
كنت فى ندوة بمكتبة اﻵسكندرية وكانت مملة جدا لدرجة انى كنت هنام ..قلت لزميلى المصور سمير جرجس يالا بينا نخرج قالى لاء مقدرش روحى أشربى شاى وتعالى وفعلا خرجت بس برا محيط المكتبة فى قهوة ع البحر كنت بقعد عليها أيام ما كنت بدرس فى كلية الحقوق.،فجأة وأنا قاعدة لقيت فلاش كاميرا ضرب بوشى بصيت لقيتها حبيبة قلبى معالى السفيرة منى شرف الصورة اللى انتوا شايفنها وحدى وقعدت معايا وأكلنا سوا وفجأة أنقلب المشهد تماما دخل علينا الشاعر الغنائى الفنان مسعد أبو همسة وبعدها بدقايق ودخل صديقى الغالى على قلبى الشاعر الفلسطينى أحمد راتب وطبعا كان مسك الختام حبيبة قلبى بجد الشاعرة السورية منى الصوفى والمخرج كامل صالح وأتحولت القهوة الى أمسية صعب تتكرر تبارى فيها احمد راتب ومسعد ابو همسة ومنى الصوفى بأجمل الأشعار ..سرقنا الوقت وماحسيت الا لما شفت زميلى المصور سمير جرجس واقف قدامى ويعاتبنى ليه خبيت عليه القعدة الحلوة …
هى صدفة ممكن تغير حياتك…مزاجك..يعنى ممكن .كلمة…أغنية..شارع..أى شىء يلمس روحك ممكن يعدل مزاجك..شكرا للشاعرة السورية منى الصوفى ﻻنك خليتى الحياة أحلى