حظك اليوم بقلم / سامح فؤاد

.
حظك اليوم
ما بين ايدك
و امنيات جميلة
مشتاقة لعنيك
حظك اليوم
راحة بال
و ضحكة حلوة
ضحكهالك طفل من هناك
حظك اليوم
إن يومك عدى على خير
و اغنية جميلة فكرتك
اسعدتك و دخلت الوجدان
حظك اليوم
اكلة لذيذة ماكلتهاش من زمان
خلتك تقول الحمدلله
حظك اليوم
راحة بال
و نوم هادى و مش قلقان
و مع اسرتك عايش
فى امان
وسلام
حظك اليوم
رضا و شكر على عطايا
رب الاكوان
حظك اليوم
مش بس مال و منصب
و شوية ماديات
حظك اليوم
فكرة فى عقلك
ساكنة بقلبك
بايدك تخرجها
وبايدك تسجنها
يعنى من الاخير
حظك بايدك
.
صباح الحظ السعيد.