قالوا هنعوم الجنيه قلت وماله هو مالوش نفس ذى باقى السباحين؟ ما يعوم يمكن يشم الهواء ويرجع مبسوط وله كيان تانى ٠
قالوا هنعوم الجنيه قلت وماله بس مش عارفه ليه قلبى اتخطف عليه ,! خوفت ا حسن يدخل البحر فى وسط الامواج يغرق وما يعرف يعوم ٠
قالوا هنعوم الجنيه قلت دا استئذان ولا قرار نهائى؟
مافى كلام تانى ؟
يعنى مش أستعين بصديق ولا جمهور؟
قالوا هنعوم الجنيه. سمعت ووقفت واندهشت! كله فى وقت واحد , كانها دوامة بحر ووقعت فيها ,لا عرفت شط من بحر غرقت فى الدوامه ٠
والافكار بدات تتضارب كما الامواج بلا استراحه تتخبط فى وجهى بلاهوادة ٠
وفجأة فوقت من الدوامة قلت شىء واحد ملوش تانى ٠
بتقولوا هنعوم الجنيه ؟
طب فهمونا يعنى ايه تعوموا الجنيه بدل ما حد تانى يدخل ويفهمنا غلط وبعدين ٠
اامورنى .يمكن لما افهم اهدى واصبر بدل ما انا مخضوضه ومذهولةمن كلمة التعويم
هتعوم الجنيه عوموه, بس اعملوا حسابكم, لو الموج عالى او فيه دوامات حيعوم الجنيه ؟
مش هيغرق؟
ولا حيكون ذى الانسان فى بلده ملوش ثمن؟
ولسه مع بعض
استنونى عبير الزهيرى