مصر امانه فى رقبتك بقلم / جيهان جبر

امبارح بالليل كان عندى مؤتمر فى باكوس وأنا ساكنة فى شهر العسل بالعجمى .يعنى تقريبا مسافة 60 كيلو متر . وأنا بالطريق شوفت بعينى أكتر من عشر منافذ تابعة للقوات المسلحة بتبيع سكر الكيلو 7 جنيه ..الناس بتشترى عادى وبتروح بيتها عادى ..أزمة السكر دى حجة فارغة عشان تنزل تحرق بلدك ..من امتى المصرى بينزل يتظاهر عشان رز وسكر .احنا دخلنا اربع حروب الناس ساعتها كانت بتشرب الشاى احيانا من غير سكر . لان البلد كانت فى حالة حرب ..أنما تلموا بعضكم وتنزلوا 11 نوفمبر عشان خاطر شوية سكر دى تبقى عيبة كبيرة ..يعنى هى خلاص بقت كده..بعد ما كنا بنبعت سنوياٌ كسوة الكعبة . ونبعت سنوياٌ طيارات محملة شباشب وجزم لاخواتنا فى قطر . تيجى دلوقتى عايز تنزل تتظاهر وتحرق بلدك عشان كباية شاى يأخى ان شالله عنك ماشربت ..انت نازل ليه .عايز ايه .هتنبسط لما أبنك يندبح قدام عيونك ولا بنتك يبادلوها بعلبة سجاير .ياجماعة اصحوا بقا وأنتبهوا أوباما رايح فى ستين داهية كمان ايام وعايز يخربها قبل ما يغور حالف ياخد ثار الاخوان مننا ..خلينا نهدى ونعقل ونستهدى بالله ..ونخاف على بلدنا .هنروح فين دى سوريا 22 مليون عملت ازمة عالمية احنا 92 مليون هنروح فين بيعالنا ..خافوا على بلدكم .حرام والله حرام