بقلم الكاتب والشاعر ناجى أنس /
ليله
في ليله بالعمر كله
قلبين سوا ع العشق إتواعدو
كانت ليله حلوه جميله
إحساسها لاقبله ولا بعده
حلم دا ولا حقيقه بجد
مش عارف إيه اللي حصللي
لحظه ما إحنا بنحض بعض
إحساس اتحقق بيقولي
إن إحنا ناسين البعد
وأجمل إحساس اللي فاضل
ليله كلها دفا وحنان
وأمان في عيونك ياحوريه
اتقابلت فيها الأحضان
والعشق يحضك حنيه
شمسنا جابت يوم جديد
والساعه عدت في دقيقتين
ليله كإنها ليله عيد
م الفرحه كنا طايرين
اي كلام بتقولي عليه
بارتاح قوي لما أسمعه منك
لوتعرفي انا حسيت إيه ؟
مش حخلصي في كلام عنك
حضن الفراق أثر فيا
وإديكي عليا بتطبطب
حسيت بالوفا نادي عليا
إحساسك خلاني باستعجب
رجع لي إحساس بحنين
أيامي وانا لسا صغير
لما قلتي كلمتين
أي عذاب في الكون إتغير
كنت مفكر ان دا كان
راح خالص مش راجع تاني
علي كل الادوار قادره كمان
انك تعشيها في ثواني
ساعه احسك طفله بريئه
وساعه بنتي ويمكن وأختي
وفي نفس الوقت إنتي صديقه
حاسك أمي حياتي حبيبتي
إنتي تبقي إيه بالضبط
كل حبايبي حبيةي ولا
انتي إحساس فيا إتحط
وحياتي بقت حلوه وسهله٠