أخسرك زى كل حاجه حلوه خسرتها
خايفه
أكرهك وأكون لعنه تحرق اللى يقرب لها
خايفه
أنساك وتكون ذكرى صعب صدها
خايفه
أقربلك وألاقى نفسى فـ دوامه مجهول اسمها
خايفه
أشوفك وألاقى صورتك حلوه وعالى حلمها
خايفه
أناديك ويسمع صوتى كل حىّ فـ ارضها
خايفه
أحبك وأدوق من روحك مُرَّها
خايفه
ألومك ويتعذب قلبى بـ شرها
خايفه
أسمعك وأمنع نفسى عن حقها
خايفه
أرضيك وأغرق فـ موج بحرها
خايفه
أواسيك ويضيع من روحى عطرها
خايفه
أشتاقلك وتشتاق روحى لوصلها
خايفه
أودعك وأروح لعالم برىء مفيهوش
كبرها
خايفه يا نفسى
0 226 أقل من دقيقة