برنامج أنتباة * يكشف حقيقة سرقة التأمين الآجبارى وضياع حقوق مصابي الحوادث

كتب/ تامر فؤاد

عرضت الاعلامية منى عراقى مقدمة برنامج ” إنتباه ” على قناة المحور مغامرة قامت بها مع مزوروا التأمين الاجبارى فى وحدات المرور ، وتعاملت معهم وكأنها مندوبة شركة اغذية لديها اتوبيسات وجرارات نقل وذهبت لتتفاوض معهم لترخيص السيارات فى وحدة مرور برقاش بالجيزة ، وتقابلت مع موظف بشركة تأمين فى كشك التأمين وقالت له انها مندوبة شركة اغذية ولديهم 1200 اتوبيس و200 جرار وتريد ترخيصهم ، فقالت للموظف ” عايزين نتفق ” ، فرد عليها ” اللى انتى عايزاه ” فقالت له ” هجيب لك رخص السيارت كلها ونتفق ” فرد عليها الموظف : عايزة كام نسبتك ، فقالت له 30 % ، فرد عليها نسبة كبيرة قوى ، ثم قال لها الموظف ” احنا شغلنا كله شمال ” فردت عليه ” احنا عارفين ان المبلغ الـ 800 او 900 جنيه عن كل سيارة بندفعهم بيروحوا فاساكونيا ..بيضيعوا ” فقال لها الموظف ” لازم تدافعى عنا وندافع عنك عشان الورق اللى بتاخديه منا مافيش منه نسخة بتروح الشركة ” فسالته عراقى ” الوثيقة دى لو حد مات على الطريق هياخد حقه؟ ” فقال لها ” لا ولا حد هيتسأل فيها لانها مش هيروح منها صورة الشركة اساسا ” ثم قال لها الموظف اعتراضا على ارتفاع نسبتها ” ناكل ولا هتسفى لواحدك النسبة ” قالت له ” هناكل مع بعض ” فقال لها ” نمشى العربية ال 30 راكب بتامين 963 جنيه لمدة سنة وشهرين هيكون نصيبك فى كل عربية 290 جنيه وده كتير قوى عليكى ” قالت له انتوا هتدخلوا الورق على انه موتوسيكل للشركة ولا اتوبيس ” قال لها ” هندخله بدلا من اتوبيس 30 راكب هنخليه اتوبيس 24 راكب ” ثم قال لها ” نمشى نسبتك 20 % حلو قوى ليكى وكده انتى جاية علينا وبكده انتى بتاكلى واحنا بناكل ” ، واضاف الموظف ” لو العربية عملت حادثة لا قدر الله احنا مظبطين الموظف بتاع الارشيف فى الشركة بيخفى الملف كله بتاع العربية ” ولو حد سال على الوثيقة رجالتنا هناك فى الشركة هتصدوا “