متابعه حافظ عصفور
موسم النوباريه هو اسم أطلقه مجموعه من الشباب الواعد من ابناء مدينه النوباريه لعمل تواصل بين كل المقيمين في مدينه النوباريه والقري المجاوره لها وسوف تكون البدايه اول جمعه ٥ /١٢ /٢٠٢٥
“فكره اليوم ” يوم ترفيهي تربوى رياضى دينى ،يعمه المحبه والاتحاد وتشجيع الكل على الرياضه .
وفكره البدايه كما أعلنها احمد صدقي أحد الداعمين
⭕اولا هنبدأ اليوم بصلاه الجمعه فى النادى وكل فرد هنصليه جماعه فى النادى وهنوقف جميع الانشطه وقت الصلاه .
⭕ مارثون جرى فى محيط النادى والجهاز والاداره التعليميه لجميع الاعمار السنيه حوالى ٥٠٠ م .
⭕ ايفنت للسيارات بسيط جدا العربيات اللى كانوا دوشنا هنجيبهم يعملوا استارت الماراثون ويفرقعوا براحتهم وهيرافقوا المتسابقين فى اللفه وعايز العربيه الدودج الزرقا تبقى فى المقدمه تصور الحدث .
⭕ ماتش فى ملعب البادل بين فرق الجروبات .
⭕ماتش للادمن الجروبات فى الخامسى ( الوسيط نيوز الصوت نبض )
⭕ ماتش لمحبين الجروبات اعمار سنيه منخفضه فى الملعب ١١ علشان المشجعين نقعدهم فى المدرجات ونشوف كوره بعد ماتشات المسنين أربع فرق .
⭕الرمايه عايز ٣ بنادق رش من هواة الصيد ودى هتكون للناس الكبيره فى السن لأنها مش هتحلى غير بيهم .
⭕ البلايستيشن هنعمل دوره مفتوحه لكل المشاركين سعر الاشتراك ٥٠ ج وسجل اسمك عند ابو عبدالله .
⭕ الرعاه عايز اربع رعاه هيوفورا لنا تيشرتات الأربع فرق الاشبال وجوائز اليوم كل راعى ٥٠٠٠ ج.