عبيدة عبدالله تكتب القلل القناوى

القلل القناوي
وبداية الكلام نصلي علي نبينا العدنان
واقول قناويه
تاخد مني الحكمه والامثال
تاريخي يحكي حكايه بالعصا والخزران
والبرود دي قصه
مش بس كلام
قناوي قهر فرنساوي
ده تاريخ يا غفلان
وتعالي ميل
لو كنت غاوي
نحود على سيدي عبد رحيم القناوي
وهاتلي قولتين وزير
اصل ونسل
بلدي قنا اصيل
لا تقبل مهانه ولا غلط
وان ضاقت عليها الدنيا كرمتها كرم العرب
القناوي من يومه
راجل كد قوله
مندرته لزوار سيدي عبد رحيم ونس
والمولد والسمسميه
وضحكه صبيه تحكي حكايه طرب
والواد ابو جلابيه
والعمه متنيه
بيضها عجب
واه يلي ما زوت قنا
وشربت من قللي القناوي
وكنت لذكر الله
ومدح المصطفي غاوي
فاتك الهنا وما شوفت الهيبه
وقلوب راس مالها الطيبه  بلدي قنا