سيادة المحافظ نورت نجع حمادى وبعتذر لحضرتك مكنتش قاعد يوم الزيارة واحنا اسفين على شوية الالفاظ البذيئة المنتشرة فى ميدان الاوقاف دول ولادنا سواقين السرفيس ومن عشمهم فينا احتلوا الشارع وبيقلوا ادبهم علينا من العشم وكمان هتلاقى ناس تقولك كورنيش النيل برضوا معلهش دول ولادنا بيفكوا على نفسهم وبيشربوا البانجو ع الكورنيش بدل ما يؤذونا فالبيوت واهى ناس بتسترزق وهيجى فزلوك يقولك الحمير احتلت منطقة البوسته دول ناسنا جايين من الارياف وانت عارف المواصلات غاليه وفزلوك تانى يقولك الشباب فى ٣٠مارس ماشيين بالكلاب واحنا مش عارفين مين الكلب فيهم دول ولادنا واحنا بنسعى لابراز التحضر فى بلادنا والرفق بالحيوان والاباء تكريما لاولادهم تبنوا كلاب علشان تخاويهم وهيكلموك ع الزبالة فالترعة الضمرانية وف باقى الشوارع بس احب اقولك المجلس عن عمد مش بيرفعها ودى لفتح المجال لرعاة الغنم لاطعام ماشيتهم ودى ضمن خطة فتح مجالات جديدة للعمل وهيجى واحد خربان يقولك التوكتوك عند القنطرة قفل الطريق وقلة ادب مشفنهاش قبل كده احب اطمن حضرتك دول ولادنا الصيع بدل ما يرازونا فى البيوت ويعملوا مشاكل مع الجيران وهيكلموك على شارع بورسعيد دول ولادنا البائعين خدوا الرصيف والشارع وده ايمانا من الريس الجديد بالسوق الحر وخلق فرص وهيقولك ساحل نجع حمادى والاهمال فيه والختمة يا وزير رئيس المدينة ما كان يعرف انه فيه منطقة فالبلد اسمها الساحل وكان بيفتكرها تبع محافظة اسيوط وهيقوم واحد هفى يقولك البايعين قافلين الموقف العام قولهم ادى الله وادى حكمته مش عارفين نلاقى للمشكلة دى حل وهيكلموك ع القرى قولهم رؤساء القرى من حملة الماجستيرات واحنا مش عايزين منهم شغل كد ما عايزين ننهل من علمهم .
وهيكلموك ع البرستيج والابهة والفنجخة اقولك لا بقى الريس جلال سداح منظم الدخول للمجلس وعامل برستيج دخول وخروج وكمان بقى اسمه وكيل الوزارة مش ريس المدينة
#من الاخر كدة لكل واحد نصيب من اسمه والريس الجديد خلا نجع حمادى #سداح #مداح
0 690 دقيقة واحدة