هو انتي ازاي قدرتي تحلي صوت وجع الناي
إزاي خدتيني من نفسي
وبقيتي كل حياتي ومناي
إزاي في بعدك سمعتي نداي
وقربتيلي أوي فرحي وهناي
الشهد سقتهولي في كوباي
زي أمي لما تندهلي يا ضناي
عرفتي تطيبي الجرح جواي
نورتي عتمتي وحننتي قساي
عزفتي لحني من شدة بكاي
عصفورة بتغني وتطير بسماي
لو بس جيتي بدري شوي
بلسم لتعبي وزادي ودواي
آنستي وحدتي وهونتي شقاي
في البرد حضنك كان دفاي
وفي الصيف نسمة هواي
عينيكي ضحكتلي يوم لقاي
هو أنتي إزاي قدرتي تحلي صوت وجع الناي