علشانك يامصر بقلم جيهان القاضى
..احنا بلد لاينقصنا شىء غير المحبة والمودة والضمير فى كل اعمالنا
.ياناس راعوا ضميركم.
ياناس راعوا ضميركم …حرقتم دمنا
كفاية بقى عمايلكم…سودتم وشنا
مش خايفين نحاسبكم .طب خافوا ربنا…..
ودة موظف حكومة…ولا صاحب تكية
الناس معاة مظلومة..يوماتى رايحة وجاية
دواليب باوراق مزحومة..من مدة زى ماهبة……..
وحاجتك تمشى بواسطة
ياتفتح درج الاسطى
ياتجيب ميت ورقة بوسطة..
ياناس راعوا ضميركم…
ومدرس لو يندهلك..انت ياحمار ياكبير
من بكرة ولى امرك..يجى مكتب المدير
يابية احب درسك..تعالالى ياواد يا امير…..
والحصة يقلبها اثنين
والصفحة عايزة شهرين
والغدا عند ام ا مين…..
ياناس راعوا ضميركم…………
ودة الدكتور الدولى ..ف جميع التخصصات
نسا باطنة كلوى… عظام ازن وحميات
عادى مستعجل فورى..يدفع حتى لو مات….
والكشف ف دقيقتين
ومعاة عشرة داخلين
مولد اللة يا حسين….
ودة صحفى محنك …زمتة عال العال
طول ما راضى عنك..يرقعك كام مقال
ولما تخف يدك…بلاوى عليك تنهال
وياتخصص لة شهرية
ياتقب كل شوية
بشقة او عربية…….
ياناس راعوا ضميركم…
ودة محامى يفرشلك..البحر كلة طحينة
ويقولك مش هاغشك..قضيتك مضمونة
وسنين ياكل فكرشك ..ويدورك فطاحونة
وهات لرفع الدعوات
وهات لحضور جلسات
واخيرا الموكل مات…..
ياناس راعوا ضميركم…..
فكل مهنة ومهنة ..فى بعض التجاوزات
بأدينا نقدر نوقفها…بأدينا يبقوا الوفات
والوقفة دى منى ومنك..مش بالقرارات..
دى بلدنا بلد الخير
من نصر لنصر تسير
محتاجة بتا ونعمير
محتاجة شوية ضمير….
ياناس راعوا ضميركم..حرقتم دمنا
كفاية بقى عمايلكم..سودتم وشنا
مش خايفين نحاسبكم ..طب خافوا ربنا….
