“قطر ترد الجميل” بقلم جيهان جبر
الموج بيعلى كل يوم عن اللى قبله..والإرهاب يجتاح مصر من أقصى الشرق لأقصى الغرب ..
هستيريا الآرض المحروقة لعيون تميم المجد ..ولكى لاننسى ولن ننسى هفكركم بشوية حاجات كده حصلت للى بيعايرونا بفقرنا…… أجتاحت قطر فى سنة 1965 أزمة غذائية طاحنة مش عايزة قول مجاعة رغيفين عيش لكل أسرة ..بعتت مصر طائرة محملة 20 الف طن من الأرز والسكر والقمح مساعدة للشعب القطرى ..ولم يقتصر الأمر على العون الأقتصادى ..فتحت الحكومة المصرية باب الأعارة للمهندسين والآطباء والمدرسين لمساندة الشعب القطرى على أن تتحمل الدولة المصرية المرتبات وبدل السفر والغربة .
ونيجى للطامة الكبرى بقى ….سنة 1971 لما زار السادات قطر لاول مرة مع وفد رفيع المستوى قدم السادات طائرتان هدية كنواة لتأسيس الحيش القطرى وتقديم الدعم العسكرى واللوجيستى تدريب الجنود القطريين على القتال والدفاع عن الأرض…
اليوم قطر ترد الجميل بتجنيد عناصر حماس وأنصار بيت المقدس وكتائب القسام الأرهابية ليفسدوا فى الآرض ويهلكوا الحرث والنسل والله لا يحب المفسدين .
اليوم قطر ترد الجميل بصرف المليارات لأسقاط مصر وزعزعة الثقة بين الحيش والشعب ..
اليوم قطر ترد الحميل بأستضافة العناصر الأرهابية المطلوبة وترفض التعاون مع الآنتربول الدولى لتسليم كل من أفتى وحرض وساعد على قتل الجيش والشرطة ..
تابعنا على مدار الأسابيع الفائتة كيف يهان الآقصى .وكيف تغلق أبوابه ويمنع رفع الآذان وإقامة الصلاة …والسؤال..أين حماس ممايجرى فى الأقصى ..أين كتائب عز الدين القسام وهم يتوعدون مصر بويلات الثبور..أين شهداء الأقصى اللى مشغولين بتفجيرات العريش وسيناء..ياجماعة أنتم فاهمين غلط ..اللى احتل بلدكم الجيش الأسرائيلى موش الجيش المصرى اللى بتقتلوا فيه آناء الليل وأطراف النهار بلا كلل ولا ملل وكأنه قدس الآقداس…
مذبحة آيلول الآسود اللى عملها فيكم الملك حسين الآردن يعنى موش الجيش المصرى اللى حارب عشانكم ..
السادات أنتظر ياسر عرفات فى مينا هاوس للسفر لكامب ديفيد للتفاوض على حدود 67 ومجاش وانتم دلوقتى مش لاقيين شبر واحد تتفاوضوا عليه ،..على فكرة اللى بتعملوه فى سينا وسوريا وليبيا مش غريب عليكم وسبق وعملتوها مع صدام فى غزو العراق ووقفتم معاه بكل عناصركم ..يعنى الخيانة فى دمكم .،
ياريت بقى بلاش تصدعونا بالمقاومة والكلام الفارغ عندكم اسرائيل روحوا اضربوا طلقة واحدة لو رجالة ..
