القضاء علي ضغوط الحياة

ايات الشيخ

أغلب الناس بتعاني من ضغوط ومن نغزة جواهم
مأثرة عليهم بشكل كبير ومخليةالحياه بلا معني روحهم مطفية ،
كمثال اللي توفى له شخص غالي والي الموت اخد اعز شخص، واللي عاش فترة حزن مش قليلة
واللي اتصدم في أقرب الناس ليه والي تنخدع في شريك حياتها، هتلاقي كل واحد عنده
حكاية لو سمعتها هيصعب عليك وحتهون عليك مصاعب ، وبين كل 10 أشخاص
هتلاقي 9 منهم مرو بصدمة واحدة على الأقل في حياتهم
ومن يومها مش عارفين يرجعو تاني نفس الشخص بتاع زمان
عشان كدا هونوا على بعض ورفقا بالقلوب لإن كل واحد
فيه اللي مكفيه وزيادة والله….
بندور علي اي مناسبه او قعده حلوه او لمه حلوه
بنطلع فيها الشحنه السالبه الي فينا

بس أكتر الحاجات اللي بتخلينا نصبر ونتحمل ونرضى
إن ربنا مطلع على كل اللي بيحصل ،وبيجعل لنا منافذ حلوه أعتقد إن مفيش سبب
للتحمُّل غيرها أصلا ، مفيش حاجة في الدنيا دي كلها مريحة
بالنسبة لي قد فكرة إن ربنا عالم ، عالم بنيَّتك حتى لو كانت
مش زي أفعالك ، عالم بصدقك وحُسن نيتك
حتى لو كل الناس أساءت الظن فيك ، عيش بالطبيعه الي ربنا خلقك بيها
والتعب اللي تعبته في مشوارك كله لان ربنا ، عالم بإحساسك ،
عالم بالكلام اللي عمره ما طلع ولا هيطلع لحد ،
وعالم بكل حاجة كل حاجة ،،، مفيش حد في العالم كله
ما بيجيش عليه وقت بييأس ويزهق من العالم ومن كل
اللي حواليه وما بيصبّروش بس ويهون عليه غير فكرة
إن ربنا موجود ، عالم بكل حاجة ، وقادر على كل حاجة ،
ربك موجود وجنبك اوعا تخاف ،