“مين فى سينا وسينا ليه “

بقلم سيد البالوي

سينا حته غالية لينا
والدفاع عنها ببطولة
حق واجب للكرامة
___
والكرامة فى بلدنا شيء مُعظم
كالديانة
أرضي يعني زي عرضي
زي أمي زي أختي
كنت مدني أو مجند
أو مزارع أو مدرس
أرضي صعب ف يوم تُدنس
هو دا فهم القضية
____
حرب سينا مش صراع
حرب سينا للدفاع
أرض سينا مش ولاية
أو تبيعه أو سبايا
أرض سينا من البداية للنهاية
كل شبر بدم مصري
وسينا قدسي والحرم
والزود عنها والدفاع
يستوي
مع رفضنا لسباب نبينا
___
يبقى نفهم مين فى سينا
كل جندي فى سينا مؤمن
عنده نخوة و ليه كرامة
والدليل واقف فى أرضه
والدفاع عن أرضه واجب
والقضية منتهية
مات شهيد عاش
هيعيشها راجل
___
أما كذب الملتحين
دول شوية مأجورين
مين بيدعم مين لمين
كلهم أعداء بلادي
شوف بيخدم هو مين
تعرف السِيد اللي باعته
__
تعرف الحق المبين
جيش بلادنا مؤمنين
والطواغط والنجسين
همه دول أهل الذقون
ناس يداهنوا وكذابين
__
حرب سينا مش لدين
حرب سينا للكرامة
للشهامة والبسالة
والعدو بعد الهزايم
وانتصار جيشنا العظيم
جاب شوية مأجورين
يقتلوا عنه بنيابه
__
والخيابة اللي يصدق
للدواعش يوم ديانة
الديانة فيها رحمة
الديانة فيها خير
الديانة مش لقاتل
الديانة مش لفاسد
الديانة للي واقف يحمي أرضه
هو دا اللي عنده دين
___
شفتوا مرة دين بيأمر بالفساد
دين بيغدر بالعباد
دين بيقبض من الأعادي
لجل ما يهد البلاد
___
السيناريو كله واضح
ليه فى سينا
وليه هدفهم هو جيشنا
سينا عاصية ع الأعادي
وجيشنا فاضح كل زيفهم
___
جُم بلحية جُم بنجمة
حدفهم تحت البيادة
___

طوبيا اكسبريس
الوسوم
اظهر المزيد

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

زر الذهاب إلى الأعلى
إغلاق

أنت تستخدم إضافة Adblock

برجاء دعمنا عن طريق تعطيل إضافة Adblock