مصر و محاربتها لكورونا

كتبت عزة الجراح

فالوقت اللي اكبر دول اتهزت اقتصادية وانهرت المنظومة الصحية بها

.الا ان والشكر والحمدلله

في مصر اللي قالوا عنها لاتمتلك سيولة
نجد ان البنك المركزي يعفي أصحاب القروض لمدة 6 شهور بدون غرامات نهائياً يبقى ما عندوش سيولة ؟!

هو لما البنك المركزي يقلل سعر الفائدة 3 % علي الإقراض للأفراد الطبيعية والإعتبارية يبقى ما عندوش سيولة ؟!

هو لما صانع القرار في عز الأزمة وأحنا بنواجه وباء عالمي وبنحارب إرهاب مسعور بالداخل والخارج !! يروح مزود المرتبات والمعاشات في الموازنة ، يبقى ما عندناش سيولة ؟!

طب هو لما الدولة بمجرد بداية الازمة تضخ 100 مليار فوراً لإستيعاب الأزمة ، لأ وتصرف منح للمتضررين ، يبقى مافيش سيولة ؟!

هو لما البنك المركزي يطرح شهادة فائدتها 15 % ، في عز الأزمة وتبيع في 3 أيام بـ 25 مليار ، يبقى مافيش سيولة ؟!

هو لما طيران متوقف ، وسياحة مافيش ، ومصانع بتعمل بربع طاقتها ، ومرافق حيوية بتشتغل بـ 25 % من قدرتها الإستيعابية وبالتالي حجم الربح من المرفق هبط هبوط مش عادي .. ومع ذلك المرتبات والمعاشات في ميعادها ، والسلع بلا إستثناء مافيش علبة ملح ناقصة ولا قرص أسبرين مش موجود ، نبقى أحنا عندنا أزمة ؟!

طب مش تمنطق كلامك وفكرك قبل ما تنتقد طااه 🙄

يا سادة قرار البنك المركزي بتقييد عمليات السحب والإيداع ، مليون في المائة لصالح الشعب وعلشان نكون أدق لصالح السواد الأعظم من الشعب .. اللي لازال ضباع الخارج بإستخدام أنطاع وخونة ومغفلين الداخل مُصرين يكسروا ركبه ويركعوه ، عقاب له علي مساندة دولته مستغلين في ذلك رعب المعظم من الأزمة !!

يا سادة لله مرة واحدة أسمعوا قرار وتوقفوا عن إنتقاده ولو علي مضض !!
يا جماعة اللي ربنا خلقه نسر حارس ما بيتحولش لضبع قذر أبداً والعكس !!

يا جماعة اللي شال روحه على كفه وفداكم وقالكم مش هضيعكوا ووقف في عز عز مجد تنظيم راسخ ومتجذر منذ ثلثمائة عام ولديه كافة الإمكانات ، ومع ذلك واجهه في عز جبروته منفرداً بقرار ، طاشت له موازين التنظيم وأذنابه .. مش هيضيعكم والتنظيم بيتهاوى وبيرقص رقصة سالومي الأخيرة !!!

ياريت تصبروا علي مالم تحطوا به علماً مرة في عمركم ، فليس كل ما يعرف يقال وليس كل ما يقال حان وقته !!
مليون ألف شكر للمجموعة الإقتصادية المعاونة لصانع القرار بقيادة الفيلد مارشال طارق بك عامر .. وربي سيذكركم التاريخ بحروف من نور .. وجزاكم الله عن شعب مصر الطيب خير جزاء ..

ما تخافوش يا مصريين ..
بلدكم عزيزة ، قوية ، عفية ، أبيه ، شريفة في زمن عز جدا جدا فيه الشرف !
فلوسكم في أمان وبزيادة وديني وربي .. أنتم واولادكم وأموالكم في أيدي أمينة شريفة قوية .. أنتم في أيدي العبد الصالح القوي الأمين الذي إذا أراد يجاب بأمره !
تحيا_مصر_السيسي