الجر بالحج
كلمات: السندباد أحمد رضا العسال
إلحجني يا بوووووي …..
فيك إيه يا ولدى
دخلت عليها وأنا مكابر
أصلي ناسبت بنت الأكابر
ظنيت غيري عليها مش جادر
معاها بيعافر وهو صابر
يوم من بعد يوم
لحالي بجيت أصحي و أجوم
ومن عيني بفرك النوم
والنضاره بمسح كتر الغيوم
ومن نفسي بجيت مكسوف
أصلي خلاص بجيت أشوف
جاريت من غير خوف
إني كنت كيه الخروف
يابوووي أني من البكا خريت
علي نفسي مش علي غيري أني إفتريت
جد إيه أني كنت خسران
لما ظنيت إني ليها كسبان
وكنت عامل فيها زعلان
وأني حابس نفسي ويا الحرمان
ياما نفسي أعاود زي زمان
أني عانجولج يا ولد…
يا وليدي إوعاك تفتكر
لحالك تجدر تنتصر
إوعاك تتغر وتفتخر
وتظن إنك ليها مئتدر
غيرك ليك بيكمل
وانت لغيرك بتجمل
لحالك مش عتتحمل
حتي لو كنت كيه الشاعر بتتأمل
إفتح شباك التواضع
تلاجي إيديك ليها خمس صوابع
ده العلم ليه كتب ومراجع
فمتكونيش كيه الفرخ لصوته رافع
إجفل صفحه التباهي
واتعلم تبجي زاهي
وإوعاك تجول إنه ضعف
لما ورا زمالاتك توجف فالصف
لحسن تبجي كتاب مركون عالرف
حلو الطله بس ما يفيديش بولا حرف
زمالاتك ياما كتير حاولوا يفهموك
وعليهم كانو بيجدموك
وانت كيه اللطخ بتجابلهم بالشكوك
هما كانو ولسه بيحبوك
متكونيش كيه البسه ماليها صاحب
كون كيه الكلب وفي لكل صاحب
كيه النسيم تبجي عليل
بحصانك وفعلك تبجي جميل
لحسن حملك عليك يبجي تجيل
وكيه المره الللي عتولول…… ماتلاجيش اللي يشيل
وعشان تبجي غانم
لغيرك لازمآ تبجي فاهم
وإوعاك تهجص و تجول أصل أني حازم
وتجول إني لغيري كاظم
وإنت لجاربك خارم
لااااه…. مش بعلو الصوت والإنفعال
تظن إنك ممكن تبجي خيال
الفرسه يا ولدى بتريد طويل البال
اجولك ميتي الجمل يرفع الأحمال
بده الاول ينخ ويسمع اللي إنجال
بدك إسمك يكون لامع
لنصيحتك إوعاك إتكون مانع
لحسن تبجي كيه العيل الضايع
لصوت أهله ماهو سامع
خليك كيه النسر المحلج فووج
من حنك أهله الدود كان بيدوج
السندباد أحمد رضا العسال
