الصندوق الاسود بقلم / جيهان جبر

النهاردة هنتكلم عن معنى كلمة الحنين .هى كلمة عجيبة وغريبة مش مجرد حروف ..لاء..دى هارمونى من احساسيس غريبة. فرحتك بفستان اشتريته . فرحتك بكلمة من حبيبك استنتها كتير. فرحتك بلمة اصحابك ولو على قهوة بلدى.الحنين حتى لموج البحر ولون السما الصافية .لزحمة عربيات وصوت كلاكسات لو انت مسافر وبعيد عن حضن بلدك .كل الذكريات الحلوة والمؤلمة بنخبيها جوانا بين ضلوعنا فى صندوق كبير عليه قفل حديد.بالظبط زى الصندوق الاسود اللى فى الطيارة . احنا كمان عندنا صندوق اسود بنشيله معانا فى كل حتة .صدقنى عامل زى المتاهة ساعات بيناديك ويقولك تعالى اكيد حد وحشك تعالى ..وتفتح الصندوق فتصيبك الدهشة لما يحتويه من اشياء أنت وحدك فعلتها واخفيتها عن الاخرين .فذاك الصندوق يقوم بتسجيل كل نقاط ضعفك .التى لا يعلم عنها احد فقد كان يعمل بهمة ونشاط ولا يتوانى لحظة بتسجيل كل عيوبك وهفواتك وكل ما كنت تهرب منه واليه .بس صدقنى موش هتحس بالندم لان هتكون مرت عليك سنين كتير اوى وتكون خلاص اتصالحت مع نفسك وسامحتها وسامحت حتى الا بكى عيونك بيوم ولا ظلمك ..هى الدنيا كده بس تمر سنين تحس انك ظلمت نفسك بحاجات كنت فاكرها نهاية العالم وبعد سنين اكتشتفت انها ولا حاجة .

طوبيا اكسبريس
اظهر المزيد

تعليق واحد

  1. بعض الصداقات المميزة قد تنشأ مع غرباء بصورة مفاجئة دون ان تعرف كيف واين بدأت تحديدا
    وربما نشأت بطلب صداقة عابر عبر احدى برامج التواصل الاجتماعي.
    وربما بدأت بضغط اعجاب لمنشوره
    فتتكون صداقة قوية متينة لا يضاهيها علاقة اخرى ..وربما تبقون عدة شهور او سنين بدون ان تراه بعينك .ولاكنه شغل كل حيز الصداقة الحقيقية
    يشاطرك اسرارك واحزانك وافراحك
    يفرح بفرحك… ويحزن لحزنك… وحافظا لسرك… واذا غبت عنه تفقدك بكل الوسائل المتاحه لديه…. بدون مقابل او مصلحة معينة… فعلم حينها ان هذه العلاقة علاقة نبيلة وجميلة وربما لا تتكرر في حياتك مرتين
    وانت صديقتي العزيزة تلك العلاقة الطاهرة والنبيلة لانك منحتيني الصداقة الجميلة والاخوة الطاهره لذى ادعو الله بحق كل من له جاه عنده ان يحفظك لي ويديمك اخت وصديقة عزيزة… عاشت اناملك التي كتبت فابهرت

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

زر الذهاب إلى الأعلى