سؤال مهم؟؟ تعالوا نعرف اجابته هى قضاء وقدر ولا مدبرة

كتبت عزة الجراح
انت بتتكلم فى حادثة ممكن تكون قضاء و قدر .. و ممكن تكون مدبرة !!
مدبرة بعد كلامك عن حقوق الانسان امام الرئيس الفرنسى ..
مدبرة بعد التلميحات عن الدستور ..
مدبرة بعد تجميع 50 دولة اوربية عربية فى شرم الشيخ ..
مدبرة بعد كلام الرئيس عن احترام انسانيتنا ووو ..
مدبرة بعد تجاهل رجب و تميم فى التجمع العالمى الدولى فى شرم الشيخ ..
مدبرة بعد تلميحات معتز مطر المصرى المأجور من اهل الشر !!
مدبرة بعد انفجار الدرب الاحمر وقبلها مسجد الاستقامة ..
كل ده قبل كارثة القطار بأيام قليلة ..
بعد الحادث مباشرة .. كان فيديوهات السيسى جاهزة و سلخها من مضمونها .. تويتات البرادعى ظهرت .. لجان الاخوان الالكترونية اشتغلت مباشرة .. النكسجية و الثورجية دعوا للتظاهر فورا يوم الجمعة .. الصفحات إياها اللى عاملين وطنيين .. ظهروا ببوستات مايعة لا بتفيد و لا بتضر .. اثبات وجود فقط .. حالة اللامبالاة التى ظهر عليها السائق و كأنه راجع من رحلة !!
كل ده يقولك إنها مدبرة لا محالة و التمويلات وصلت و لعبوها ع المكشوف !!
و ممكن تكون قضاء و قدر .. و ده احتمال بسيط جدا .. ممكن نقوله لو فى دولة مش بتحارب أبنائها فى الداخل و عدوها فى الخارج !!
و لكن .. سواء مدبرة او قصاء و قدر .. كل ما سبق من حوادث لا يكون شئ أمام الدول التى سقطت و شعوبها لاجئين .. لا يكون شئ امام النوم على صوت طلقات النار من فوقك و من خلفك .. لا يكون شئ فى دولة سقطت و معمول عليها حفلة من اربع خمس دول .. لا يكون شئ و انت لا تمارس حياتك الطبيعية .. تاكل و تشرب و تذهب لعملك و اولادك و اسرتك بخير .. لا يكون شئ لو مصر استمرت فى فوضى و انتقلت من الفوضى لحرب اهلية ثم لدولة اشباح !!
الذى يمر بمصر من اعمال دنيئة و خسيسة .. هى اقل القليل لما هو كان مخطط لنا .. هى اقل القليل بالذى حدث لدول الجوار و المنطقة !!
يا مصريين نحن فى نعمة كبيرة لا نقدرها .. نحن فى وطن عدى من مخطط قسما بالله مخطط عجب العجاب ..
يا مصريين اهل الشر عاوزينك تقول للسيسى امشى ارحل ..
و يجيبولك واحد على مزاجهم .. متفصل و متعلم يعنى إيه خراب و يحقق اهدافهم ..
يا مصريين السيسى منع عننا شر لا يمكن يتخيله بشر !!
يا مصريين ال 3 سنين الجايين اهل الشر هيعملوا اقصى ما عندهم عشان السيسى ميكملش ..
انت متخيل صابرين عليك سبع تمن سنين .. و انت جاى تقولهم دستور و السيسى 2030 ..
يا مصريين اهل الشر الآن على جهاز التنفس الصناعى و هى الفرصة الاخيرة لهم .. ضربة كمان مننا جهاز التنفس هيقع !!
ارجعوا تانى انشروا انجازاتنا .. انشروا نجاحنا و خطواتنا لبناء الدولة .. عاوزينك تفضل فى اجواء حزينة محبطة .. عاوزين يهمدوك .. اعمل العكس فورا و دلوقتى .. املئ صفحتك إيجابيات و صور لرئيسنا و مشروعاتنا و انجازاتنا ..
بوظ شغلهم ع السوشيال الميديا .. خليك شاطر زيهم .. و دايما تكون جاهز و عندك الرد السريع .. متنفذش مخططهم !!
رحم الله شهدائنا .. أم الدنيا و فى مكانة تانية بإذن الله ..
نحن_على_الجحق_المبين
تحيامصر السيسى

طوبيا اكسبريس
اظهر المزيد

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

زر الذهاب إلى الأعلى