مش خايفين على مصر

كتبت عزة الجراح
#رساله الى 13 نفر رافضين تعديل الدستور..
اربعه منهم في قطر واربعه منهم في تركيا وثلاثه في اوروبا البرادعي واتنين معرفش إسمهم والاثنين اللي في مصر اللي معرفلهمش مله..
■ ربنا يوفقني وأقدر أقول الكلمتين اللي كتير من الناس عايزين يقولوهم:
● الحكايه مش حكاية دستور وصناعة ديكتاتور زى مابتقولوا وبتكدبوا وبتشوهوا الحقائق لاسيادكم..
● الحكايه كلها إننا لأول مره نلاقي رئيس إنسان يحس بينا ويعرف مشاكلنا ويواجهها بدون خوف ولا خجل..
● يعالجنا ببلاش بعد لما المرض دمرنا سنين ومش وقته نقول مين اللي كان السبب ولا إزاي..
● لما تحس ان فيه واحد عايز يخليك زى غيرك تمتلك سكن آدمي وولادك يبطلوا خجل من اصحابهم لما كانوا بيعرفوا انهم من سكان غرف الصفيح والخشب..
● لما اشوف بعيني واحد بياخد حقي اللي كان ضايع في الدعم لاصحاب الشركات والمصانع وانا اللي كنت بتسرق ومش قادر اتكلم سنين بسبب معدومي الضمير..
● لما اشوف رئيس بيقطع ايد الحراميه اللي مصوا دمنا وقسموا البلد بينهم واراضيها اللي المفروض ليا فيها خدوها كلها وانا وغيري بقيت أجير ورجعونا لزمن الوسيه والبشاوات..
● ولما الاقي واحد حمى عرضي من كلاب السكك اللي كانو ناويين يخلونا زى غيرنا وكنا هنشوف خيام متعه في كل ميدان وحريمنا تتباع في الاسواق سبايا..
● مش عايزني اطالب بتعديل الدستور ؟
لا والله ده احنا نقطعه خالص ونعمل دستور جديد لو تطلب الأمر وبلدنا وحضارتها وعرضنا اكبر من كل دساتير العالم
كمان بلاش تلعب علي وتر الظروف الاقتصاديه والغلاء والكلام ده لإنك ممثل فاشل وكمان اهبل ..
● عشان أريحك فيه غلاء أسعار؟
أيوه فيه
● فيه ناس بتعاني من ظروف المعيشه؟
فيه كتير
اللي بتتكلم عنهم دول ممكن ناكلها حاف ولا نفرط في حبة رمل من بلدنا وهنكون اول الصفوف لو مصر تعرضت لخطر لان الارض والعرض عندنا واحد..
بس لانهم محترمين تلاقيهم متكلموش والبلد حاسه بيهم وهي مجرد ظروف وقربت تنتهي والاهم انهم مطلبوش منك تتكلم بإسمهم ولا تستغل الحكايه لخدمة مصالحك ومصالح أسيادك اللي بيخططوا ليك..
● تفتكر لما انتخبنا السيسي كان عشان يرخصلنا الفراخ واللحمه والكنافه ؟
ياأهبل احنا يوم ماانتخبناه كنا بنشتري وطن كان علي وشك الضياع بسببك انت واشكالك..
● والله أعلم لو مكنش السيسي ظهر كنا بقينا فين دلوقتي ؟
في اسيا ولا في وسط افريقيا وحاطين حوالينا سلك وبيرموا لينا أكل بالطياره ولا كان اكلنا السمك..
● هنعدل الدستور حفاظا لدماء شهدائنا الابرار..
● اللي ضحوا عشان البلد وواجب علينا نحافظ عليها ومنسلمهاش لخاين يدمرها ويضيع بطولاتهم..
وأخيرا عشان أوجعك أكتر ومش ببالغ والله لو قولتلك..
ان السيسي نفسه ميمتلكش سياسة الاختيار ولو فكرت بس يمشي هتلاقي ال100مليون في الشارع وهيشيلوه ويرجعوه تاني لقصر الرئاسه..
يلا بقي خود اخواتك ال12 وروحوا علي مكان محدش يعرفكم فيه واتجوز بعض وانسوا مصر خالص..
لانها أصلا نسياكم ورمت طوبتكم من زمان..