أنا عانس
بقلم : رحمه علي
أيوه أنا عانس عمري كام مش فرقه كتير اهو لقب وأخذته ووسام علي صدري وافتخر كل ما سمعتو مجتمع حط مشكلته بكلمه الناس بتقولهالي مشكلتي ايه مش عارفه ومشكلتهم مش عوزين يشفوها مع انها واضحه بطاله ، فقر ، غلاء أسعار لخصوها بكلمه ما بين قوسين أنا عانس ، وكأن العمر علي الجواز ليه صلاحية وهتنتهي وكلمة عانس لعنه هنحل بعقد الزواج وأخذ لقب مدام وحرم فلان ، أصل البنات كتير مش شايفين ان الشباب علي القهاوي وعلي ناصية واقفين اكتر بكتير مش لقين لا شغل ولا حتي قادر يعيش الحلم أصل في زمن المفروض فيه مستحيل ، بسطيها ما تعقدهاش وكفايه طلبات شبكه خليها رمزيه الدهب أسعاره نار بلاش منها مهياش ضرورية ، والفرح بلاش شكليات ومصريف في بيت من بيوت الله هنفرح وتكون بداية خير أن شاء الله ، الشقه تمليك خليها ايجار جديد متحبكهاش منين اجيب سعر الايجار وناكل ونشرب منين هو المراتب هيكفي ايه ولا ايه ، والموبيليا والاجهزه وغيرو هنسهل ايه ولا ايه دا احنا لو نصبنا خيمه ورجعنا للعصر البدائي هيقوله ايجار الارض الي عليها الخيمه فين يا بلد شم الهوا فيكي ليه سعر الا البشر مالهاش تمن حطين رأسهم زي النعام في الرمل ومش لقين غيري شماعه يعلقو عليها الهم كأني مش زيهم من لحم ودم مات الحلم بالفستان الأبيض والزفه وفرش البيت مع الزعروته والبهجة حلمي بأني أكون أم وليه حياه مع شريك العمر ايوه انا عانس هقولهلكم قبل ما تقولوهالي انا صوره حيه من شباب مش لاقيه وظيفه وقاعده تايها ، من شباب راضيه بقليله وفي عجله داريه مش لاقيه ، من أب يدوب مكفي بيته اكل وشرب مش قادر يجهز ويجوز بنت ، انا صوره من عيشه غاليه عليك وعليه ، من حلم غالي مع غلاء الأسعار غلي عليه احلمه ، ايوه انا عانس وافتكروني انا البطالة انا الفقر انا الغلاء انا أنسانه مليش زنب ولا بأيدي ساعة العمر هقولهلكم وبكل فخر انا شماعه علقتو عليها الهم أنا عانس .
