خربشات وانات قلم بقلم سوزان احمد على طلبة
كله عاوز يخطف ويجرى …….كله بيجرى ورا مصالحه ويحبى
كله بيقول هات ولما ياخد ؟؟؟ يطير وميسالش فى اللى فات
فكرينا حديد او يمكن حجر صوان ….. واحيانا حتى السلام ما بيسبق الطلبات
خلصت الحاجة واتلبت الطلبات ؟؟؟ يلبسوا طاقية الاخفا ويروحوا فى سبات
على فكرة فاهمينها غلط ….العيب فيكم مش فى الازمات
العيب انكم بتستسهلوا الخطوات ….. بتكسلوا تفكروا وتشغلوا القدرات والطاقات
مفيش بعد نظر للى ادامكم …….ازاى تعثر لحد ما وصل للى شايفنها من انجازات
الحياة مش وردى زى ما انتم فاهمين يا حضرات
الموضوع ارادة وعزيمة مش تضييع وقت فى الحسرات
فى صفاء النية ودعوة لربنا انه يقوينا نجمع الشتات …..يحصنا بقدرته وسط المشى فى الغابات
وسط وحوش بتنهش فى الحى وفى الجيفات
ياريت نبص لبعضنا على اننا كلنا اخوات …..من لحم ودم واحساس وقدرات
مش حديد او حجر ملوش شعور او طاقات او فترة راحات
احنا بشر مش جماد من الجمادات
وفى وسط كل ده بسمة من وجه بسام ….تهون الحياة لا قصدى ناس الحياة والصدمات
ساعتها تحس بامل يشع نور وخير ويقولنا متزعلوش
ربنا بيصدمكم فى الناس ….علشان تحس بفرق النفوس والنفسيات
سفيرة الحق والعدل
