مكرونة حلوة بالكريمة والقشطة من الشيف منال ابراهيم
المقادير
200 جرام مكرونه صغيرة
نص كيلو لبن
2 معلقة كبيرة نشا
2بيضة
سكر للتحلية حسب الرغبة
فانيليا
علبة قشطة او قشطة بلدي اوكوب
كريمة حلويات
زبدة جوز هند مكسرات فواكه مجففه حسب الرغبة
ماء لسلق المكرونة
الطريقة
نحضر اناء نضع فيه اللبن والسكر والبيض والفانيلا والنشا كل دا علي البارد ونقلب جيدا حتي يتجانس الخليط ثم نرفع الخليط علي النار وفي نفس الوقت نضع المكرونه في اناء تتسلق علي النار نص سوا
نقلب خليط اللبن علي النار باستمرار دون توقف الي ان يتماسك واذا لاحظنا انه محتاج لبن نزوده لبن بالتدريج الي ان يصبح قوامه وسط لاخفيف ولاتقيل وقبل رفعه من علي النار نضف له القشطة او الكريمة ونقلب جيدا حتي يتجانسوا مع بعض ونرفع الخليط من علي النار وفي الوقت ده ممكن اضافة جوز الهند او المكسرات ووضع المكرونة مباشرة علي الخليط ونقلب جيدا ونحضر قالب فرن ونبطنه بالزبدة ورشة بقسماط ونضع فيه خليط المكرونه وعلي الوجه نضع قطع صغيرة من الزبدة وعلي طول علي الفرن في درجة حرارة 180 حتي يأخذ الوجه اللون الذهبي ونخرج القالب من الفرن ونتركه يبرد قليلايعني يبقي دافئ وبالهنا والشفا
ملحوظة هذه الوصفة يستحب تناولها وهي دافية ولو بردت وحابة تاكليها ممكن وضعها في الميكرويف
