الذئب الآسمر زعيمى للآبد

بقلم /جيهان جبر عبد الصمد
أختاروه بالصدفة البحته ليكون رئيس مصر بعد وفاة عبد الناصر ..توسموا فيه الخنوع وضعف الشخصية ويجنح للعزلة والسلام … لم يتوقع شمس بدران ولاصلاح نصر ولاحتى هيكل نفسه أن من وقع عليه زهر الدويمينو سعيد كتابة تاريخ مصر من جديد ….
هو أنور السادات زعيم مصر بجدارة وبحب واخلاص فى عهده لم تتورط مصر فى حروب بلاطائل أحرقت الإحتياطى النقدى ودفع بلده الى حافة الخراب .عن حرب اليمن أتحدث ..فى عهده لم تتورط مصر فى دعم الثورات التحررية فى كوبا وفنزويلا عن تشى جيفارا أتحدث والملايين التى أخذها من قوت المصريين ..
اللى فات ده كله كلام إنشاء من القلب طبعا لكنه إنشاء ….تعالو للكلام الجد اللى من غير حروف منمقة وبروتوكلات لغوية لزوم المقالات ….
السادات قبل مايموت كتب مذاكرات لكنها لن تنشر ..وفى أوائل الألفية الثانية سربت بعض فقراتها …نتناول منها القليل على سبيل المثال لا الحصر.
كان بيتكلم السادات عن الناصرية أو من يطلقون على أنفسهم الناصريين تعالوا شوفوا قال اى عليهم …
أنا حزين جدا من موقفهم العدائى منى ومن الجيش ..الناصريين دول زى الحرباية على أتم إستعداد يغيروا مواقفهم من أجل الكرسى ..ده كلام السادات عن الناصرية سنة 1975.
طبعا أنا من أشد المعجبين بصدام حسين تعالوا شوفوا السادات قال اى …
صدام حسين بيشتمنى ليل نهار .،وبيقول عليا مش راجل وأنى والعياذ بالله ركعت لآمريكا وإسرائيل ..وبيحاربنى ويحارب بلدى مصر ويقوى الخلايجة عليا …صدام رئيس شجاع وقوى لكنه متهور وتلويحه الدائم بإستخدام القوة هيحرق الخليج ويدمر أهم دولة فى الشرق الأوسط اللى هى العراق طبعا ..والكويت اللى بتحاربنى عشان خاطر صدام هييجى يوم ويحتل بلدهم لانه عينه على الكويت من زمان ..الكلام ده قاله السادات سنة 1980.
السادات قال حافظ الآسد وأخوه بلطجية وقتالين آرواح بحماية الروس ويعملون لصالح الطائفة العلوية فقط .وفى عام 1982 كانت أبشع المجازر فى سجن حماه فى سوريا .
آما عن إيران تعالوا شوفوا السادات قال عليهم اى سنة 1977..
غضبت وحزنت لقيام الثورة الإيرانية التى أزهقت عشرات الآلاف بفتوى من الخومينى .هذه الثورة ستعمل على تشويه الإسلام وتصدير الكراهية والعنف للعالم كله وصدق السادات وأكتوينا وإكتوى العالم بنار إيران .
تعالوا شوفوا المصيبة الكبيرة على عبدلله صالح رئيس اليمن ….السادات قال سنة 1977 الشاويش عبدلله صالح ميعرفش يفك الخط وراجل جبان وخاين وميقدرش يطلع متر واحد برا صعدة الحوثيين ياكلوه .وغدا سيعرف العالم من هو عبدلله صالح الذى لم يعرف حجم وقيمة اليمن …
وكان ماكان وتحقق ما توقعه الذئب الآسمر …رحم الله رجل عاش ومات من أجل مصر