المجد لصانع الفرحة
بقلم جيهان جبر
فى حاجات كتيرة أوى بتتعبنا فى حياتنا زى الاحلام الحلوة اللى منعرفش نحققها .زى الاسئلة الكتيرة اللى بتهد حيلنا وتحيرنا وملهاش أجابة .زى الناس الاشرار اللى بتلاقيهم فى سكتك يسرقوا منك فرحتك وصحابك وسمعتك .زى انه يبقى عندك حاجات حلوة كتير بس مش لاقى اى حد يستاهل أنه يشوفها منك ..زى الناس اللى بتبقى صح أوى بس بتيجى فى الوقت الغلط اوى . زى انك تطلب من حد يمسك ايديك وهو ماسك ايد تانية .ومش شايفك ..زى الصور الحلوة اللى بنسهر الليلالى نكلم صحابها بعد ماسابوا الدنيا ..كل الحاجات دى بتوجعنا أوى وبتهد حيلنا بس نصيحة منى لازم نتعلم نخلق الامل عشان نعرف نعيش .يعنى اتمسك بأى خيط يخلى قلوبكم فرحانة ..
نصيحة منى اتعلموا تسترجعوا كل كلمة حلوة سمعتهوها من حد بيحبكم ..حاولوا تتعبوا ا كتير وتخزنوا ذكريات كتير .أتصورا كتير . احفظوا كل همسة وكل ضحكة.. أحفظوا المشاهد كويس عشان دى اللى هتعيش عليها الباقى من عمرك ..أوعوا تناموا وانتم مخبين حاجة جواكم .لو بتحب حد روح قله أنا بحبك ومتخبيش . ولازم تعرفوا أن المجد للى مش بيخاف . المجد للى لسه بيحلم .المجد للى بيسمعك بجد وبيحبك بجد .المجد لكل قلب انجرح ولسه مستنى وصابر وراضى . المجد للى بيحاول يرضيك بكلمة أو غنوة أوضحكة ..هو عمر واحد بنعيشه حاول تسرق اعمار الناس كلها وتخبيها بقلبك ..
