صدقيني إنتى ساكنه فى نن عينى إحتوينى . و إملكينى مايتك شريان لروحى تربتك . دى كحل عينى شفت من الأوطان كتير وأرجع أشتاق تحضنينى قالوا عنى وش فقر سايب الدول الغنيه وجى للبلد الفقيره قلت ده كلام ناس حقيره أصلهم مالهومش ضهر زى شجره عمر شهر أى ريح و لو بسيطه راح تتاويها ف قبر أما أنا . شايف كلامهم نصه حقد . ونصه غيره كل عاشق يا حبايبى تبقى معشوقته أميره حتى لو كانت هزيله حتى لو كانت فقيره.