شكوى بقلم أهالى طبيب متوفى
كتبت شيماء نعمان
د/محمد كان غايب عن البيت من يوم4/8حتي يوم 12/8واللي حصل كالتالي محمد عمل حادثه في ميكروباس علي طريق اجا المنصوره كان راجع من شغله والميكروباس دخل فعمود النور والاسعاف نقلو لمستشفي طواريء اجا محمد دخل مستشفي اجا ولقوا بطاقته وكتبوا اسمه وسنوا وعنوانه مظبوطين فدفتر دخول الحالات فالاستقبال زي ما قدامكوا فالصوره ولما لقوا الحاله حرجه حولوها لمستشفي طواريء المنصوره باسم مجهول وبدون اي بيانات ازاي محدش يعرف زي ماقدامكوا فدفتر تحويل الحالات .محمد دخل مستشفي المنصوره باسم مجهول وبدون بيانات يوم4/8الساعه1الظهر وفضل محجوز فالرعايه 5ايام واتوفي يوم 9/8ونزل التلاجه وقعد فيها 3ايام كل ده ومحدش يعرف هو مين ولا احنا نعرف عنو اي حاجه واحنا دايخين وبندور هنا وهنا ولما نروح بقي عشان نقدم بلاغ فى قسم المحله يرد ظابط مباحث قسم المحله ع ابويا ابقي تعالي اعمل محضر بعد ثلاث او اربع ايام واحنا هنتهبل التليفون مقفول وندور هنا وهنا ونتصل بده ودهوبعد ماواحد زميل محمد بعت لينا صوره مكتوب فيها الحادثه وفيها اسم محمد من المصابين وانو محجوز فالمنصوره جرينا ع المنصوره ونروح المستشفي ونسال عن اسم محمد وحيد طبعا يقولوا مافيش مريض بالاسم ده ماهو طبيعي ان محدش هيعرف لانو داخل مجهول ياجماعه دا اسمه جاي مع المصابين فالحادثه برضو محدش يعرف عنوا حاجه وبعد ماياسنا وكنا هنمشي قابلنا ممرضه بنت حلال عن طريق الصدفه قالتلنا بصوا هو فيه حاله جت فالحادثه يوم 4/8كانت مجهوله الهويه وصورته فالرعايه فوق طلعنا نشوف الصوره طبعا انهارنا ربنا لايوريكوا ملامحه كانت متغيره جدا سالناها طب ممكن نشوفه نتاكد قالت هو مش موجود هو فالتلاجه من تلت ايام مش هقولكوا عاللي حصلنا بعدها عشان اكيد انتوا عارفين محمد كان بقالنا 9ايام بندور عليه وهنموت ونوصلهلان مكلمينو وعارفين انو جاي البيت عشان نحتفل بعيد ميلاده محمد دخل مستشفي طواريء اجا باسمه وسنه وعنوانه واتحول منها لمستشفي المنصوره مجهول الهويه وبسبب الكلمه دي محمد قعد 5ايام بين الحياه والموت و3ايام فالتلاجه ومحدش يعرف عنو حاجه وبسبب الكلمه دي اهلو كانوا هيموتوا من القلق والتزوير عليه ومحدش عرف يتعرف عليه للعلم ان قابلنا دكاتره كتير فمستشفي المنصوره دفعته وذهلوا لما عرفوا ان المجهول ده كان محمد وحيد دفعتهم وكان ممكن لو يعرفوه يكلمونا او لو مكنش مجهول كان كان المركز بلغنا بسبب الكلمه دي كان ممكن منوصلش لمحمد لغايه الان والمشكله الاكبر نروح لمدير مستشفي طواريء اجا ونقوله ازاي مريض يدخل عندك معلوم وتحولوه مجهول يرد يقول وانا اعملكوا ايه روحوا اسالوا موظف الاستقبال اللي عمل كده وكان محمد مش بني ادم ووراه اهل بيدوروا عليه وبسبب الكلمه دي برضو دايخين لحد الان عشان نطلع شهاده الوفاه لانه مجهول اهمال واستهتار من المستشفي وتقصير من القسم عارفه انو كلو نصيب ومكتوب ولو كان مكتوب ان نوصلو من يومها كنا وصلناله بس في اهمال وتقصير حصل ولازم الناس دي تتحاسب عشان محمد واهله مكنش يستاهلوا كل ده وعشان اي مريض يدخل اي مستشفي بعد كده يتعاملوا معاه بادميه مش جثه بينقلوها وخلاص..
